Алексей Чекунков: «Дальневосточнай онуга арктическай гектар» программатынан 145 тыһыычча киһи туттунна

Билигин «Арктическай гектар» государственнай программага 9714 киһи кыттар. 2024 дьыл һагаланыыта һири 2000 киһи ылбыта. Дьыл һагана биэриллибит һир барыкаана– 1427 гектар буолбут диэн ТАСС ссылкатыттан Минвостокразвития пресс – службата иһитиннэрдэ.

Арктика регионнарыгар 600 такса киһи һири ылбыта бэйэ аатыгар онуга уларсыыга. Барыкаана колбоон муннук һирдэр мээрэйдэрэ 166 гектар. Үгүс һири дьиэ туттуутугар (73%) онуга тыа хозяйствотыгар (10%) ылаллар.

Минвостокразвития главата Алексей Чекунов биллэрэр, «Дальневосточнай онуга арктическай гектарынан» 145 тыһыычча киһи туттубут.

«Дальневосточнай гектар» программата 2016 дьылтан үлэлиир. 2021 дьылтан һагалаан һири РФ Актическай зонатыгар онуга атын муора диэки һирдэр территорияларыгар биэрэллэр. Бу программага дьоннор кыттыһан һири боско ылыактарын һөп онуга хозяйство тэрийиэктэрин һөп, дьиэ туттан онуга туризмы һайыннаран.

Андо Соктоев

Каартыска: Бурятия Республикатын официальнай портала

Тылбаастаата Туприна П.И.