Һотору Һаҥа дьыл! «Илкэн» каһыат караҥа кыһын ыйынаагы номерыгар аагыҥ

Үтүө күн, кылыылаак аагааччылар, биир дойдулаактарбыт, доготторбут!

ГАУ РС(Я) «Сахапечать» «Илкэн» каһыат һаҥа дьыллаагы караҥа кыһын ыйынаагы номера тагыста.

Һанатабыт, издания аата эбэҥки тылыттан маска «бэлиэ», «быһыы» диэн буолар. Маҥнайгы номер республиканскай таһымҥа буус тоҥор ыйга 1999 дьыллаакка таксыбыта, ол гынан биһи 25 дьылбыт.

Бу ыйга Якутия агыйак аксааннаак муора һирин олоктоок норуоттарыгар аналлаак үгүс муҥ мероприятиялар буолан аастылар. Ол көрдүк, Якутскайга Россия онуга республика эбээннэрин съездтара буолбута, Һака Һирин агыйак аксааннаак коту һир норуоттарын Ассоциациятын 35 дьылын бэлиэтээтилэр онуга атыттар. Барыкаанын һааһылаан һуруйабыт.

Каһыаты арыйабыт (2-3 стр.) өстөр, Таймырга оҥорбут балык кыһыытыгар рекорд туһунан, медиктар региоммут ыраак коту һиригэр үлэлэрин туһунан, арктическай регионнарга инвестиционнай рейтинг уо.д.а.

Дудинкага кыспыт балыктарын ыйааһына 308,8 кг буолбут, ону оҥорорго 650 кг тоҥ балыгы , 60 кг луугу, 21 литр арыыны, 3 кг кара переһы онуга тууһу туттубуттар. Ол иннинэ рекорду Якутиялар оҥорбуттара – 288, 6 кг ыйааһыннаак 500 кг уомултан. Материалы Андо Соктоев бэлэмнээтэ.

Якутскайкага эбээн норуота инникитин lV Съездка быһаарыа

Эбээннэр lV Съездатарыгар РФ субъектарыттан кыттан, гинилэр олорор һирдэриттэн (20 тыһыычча киһи), Ассоциация Президенынан Анатолий Слепцовы талбыттара, М.К.Аммосов аатынан СВФУ биллэр учуонайа онуга Арктика эксперта. Пленарнай заседание туһунан толору отчету аагыҥ 4 стр. (автор Валентин Викторов).

Үгүс эбээн мустубутунан, агыйага һуок мероприятия буолан ааста, тылтан һагалаан, культуура, үөрэк, бүтэһигэ төрүт дьарык туһунан. Бу туһунан 3-с стр. онуга 13 стр.

«Эбээн норуотун уларыйыы күүтэр» диэн ааттаак материалга, региоммут эбээннэрин съездын туһунан аагаарыҥ. Биллэрин көрдүк, агыйага һуок үлэ барар Арктика онуга гини олоктоок киһилэрин һайдыытыгар, российскайтан һагалаан, республиканскай онуга районнай былаастар, ону гытта бары депутаттар, ААКН Ассоциациятын активистара онуга республика эбээннэрин Союһа. Бу гынан, агыйага һуок үлэ оҥоһулунна, өссүө да үгүс үлэ буолуо.

Һоторутаагыта Эр — Риадага, Саудовскай Аравияга, ООН конференцията буолан ааспыта, һири туога да һуок каалларбат туһугар утары оксуһуу туһунан. Ирина Курилова һуруйар, муҥ быһаарыы буолла, олоктоок төрүт омуктар бу дьыалага толору кыттар бырааптаактарын туһунан, кас биирдии обществоттан тус туһунан, того диэтэккэ гинилэр бэйэлэрин норуоттарын аатыттан, организация аатыттан буолтагын һитистилэр. Билигин гинилэр Аан дойду төрүт олоктоок норуоттарын, кокус (собрание) аатыттан кыттар бырааптаактар, гинилэр голостара онуга һанаалара күүстээк онуга ыйааһыннаак буолар (7 стр.).

Якутия ААКН Ассоциацияларын историята онуга бүгүҥҥү күнүн туһунан, 35 дьылын бэлиэтээбитин, выступлениялар онуга кыттааччылар һанааларын, организацияга эмблеманы оҥоруу туһунан көрүҥ 8–9 стр. Ону гытта, А.Е.Кулаковскай аатынан Догордоһуу дьиэтигэр строганина пырааһынньыгын туһунан репортажы (16 стр.)

12 онуга 13 страницага биһиги Якутия таба иитиитин гытта Чукотка гиэнин тэҥнээн көрөбүт, республикага көс олоктоок кэргэҥҥэ аналлаак һокуоннары киллэрии туһунан һуруйабыт. Материаллар эбиискэ муҥ өстөрү һалгыыллар, колобур, Чукотка табаһыттарыгар туундарага оголорун иитиигэ элбэк карчы көрүллэрин онуга Ямалга Чумовой капитал туһунан. (автордар Валентин Андреев онуга Аят Сатаров). Ону гытта Чукотка АО онуга Ямало – Ненецкай АО арктическай регионнар инвестиционнай рейтинга лидер буолалларын (3 стр.).

Виктор Николаевич Васильев «Тунгусы Алдано – Майского и Аяно – Охотского районов» улакан үлэтэ тагыста, бу рукопись таксарын уон дьыл кэтэспит (10 стр.).

Биһиги өссүө таһарабыт РФ Муора Һирин,Сибирь онуга Дальняй Восток агыйак аксааннаак норуоттарын , аһагас этиилэрин (И.Е.Спиридонов аатыттан) национальность дьыалатын Федеральнай агенствотыгар (ФАДН России) И.Б.Бариновка, Алдан эбэки булчуттарын һытыы күчүмэгэй дьыалаларын туһунан (14 стр.).

«Илкэн» каһыакка һуруттарын онуга аагыҥ. Һуруттарыы Почта России сайтын нөҥүө онуга каннык багар почта отделениятыгар, Дом печати эмиэ һуруттарыаккытын һөп.

Ону гытта биһиги биир ааттаак порталбытыгар киирэн көрүҥ онуга һуруйуҥ.

Валентин Хоту

Туприна П.И. тылбааһа