Аныгылыы дулгаанныы букварь тагыста

Культуура онуга үөрэк сфератыгар Россия Муора һиригэр муҥ событие: һаҥа букварь дулгаан тылынан тагыста, төрүт тылы үөрэтэр аныгы үөрэк методтарынан, Таймыр народнай твочествотын дьиэтэ биллэрэр…- Учебник автора Анна Алексеевна Барболина.

Учебник презентацията Аан дойдутаагы төрүт тыллар онус дьылларыгар онуга Таймыр агыйак аксааннаак төрүт норуоттар Ассоциацияларын 35 дьылыгар аналлаак мероприятиялар истэринэн буолла. Кэлбит киһилэр ортолоругар үөрэк онуга культуура представителлара , Таймыр районун олоктоокторо онуга олоктоок былаас һалайааччылара. Гинилэр итиитик эгэрдэлээтилэр кэлбит дьоннору.

Издательство информационнай – методическай центрын директорын заместителя С.Н.Жовницкая кэпсээтэ учебник иһинээгитин, учуутал А.В.Федина гини оголор үөрэктэригэр онуга һайдыыларыгар муҥ наадалаагын бэлиэтээтэ.

Кинигэ таксыбыта атыл буолар, дулгаан тылын карыстыырга онуга инни диэк барарыгар, дьоннор төрүт тылларын онуга культуураларын одуулуур көрдүк, ону гытта үөрэк учреждениялара гинилэргэ өйөбүл буолалларын.

Андо Соктоев

Таймыр народнай творчествотын дьиэтин каартыскалара.

Туприна П.И. тылбааһа