Һаҥа дьыллаагы бэлэктэр Угоян онуга Хатыстыыр поселоктарыгар

Партнерскай һыһыан «Селигдар», «Полюс Алдан» онуга Беллетскай эбэҥки наслегын гытта муҥ инициативалар олокко киирбиттэр, Алдан районун Угоян онуга Хатыстыр наслегтарын олокторун туксарарга. Буннук ,ПАО «Селигдар» Угоян наслегар моторнай лодка онуга лодочнай мотор атыылаһарга көмө буолбута. Бу ыраак һытар поселактарга көмөлөөк буолар онуҥа өр дьыл үлэлиэгэ. Моторнай лодка эҥин — эҥин олокко наадалаак һоруктарга көмө буолуо: айаҥҥа, ыксал буоллагына , диэн Беллетскай наслег иһитиннэрэр.

Өссүө биир көмө буолар, Угоян онуга Хатыстыр наслегтарын клубтарыгар һаҥа оборудования атыыластылар , АО «Полис Алдан» көмөтүнэн. Евгений Васильевич Малыхин компаниятын директора бу проегы өйөөбүт. Һаҥа оборудование эҥин мероприятиялары оҥорорго , оголору онуга коллективтары гытта үлэлииргэ көмө буолуга. Беллетскай наслег администрацията иһитиннэрэринэн , культуура онуга общественнай олок наслегтарга һайдарыгар бэрт наадалаак буолар. Бу событие бизнес социальнай эппиэтинэһин онуга гинилэр олоктооктору гытта һугас һыһыаннарын көллөрөр. Гинилэр эгэлэллэр улакан преимуществоны Угоян онуҥа Хатыстыр олокторун туксараллар диэн муниципальнай образования бэлиэтээтэ.

Марина Коренева

Пелагея Туприна тылбааһа

Фото: Администрация МО «Беллетский национальный эвенкийский наслег»