“Шедевры северной красоты” выставка: юкагир норуотун старейшинатын творчествота

“Шедевры северной красоты” выставка: юкагир норуотун старейшинатын творчествота

ИЛКЭН. Аллараагы Калыма коту норуоттар историяларын онуга культуураларын музейыгар Дарья Николаевна Курилова “Шедевры северной красоты” диэн персональнай выставктата буола турар. Бу күннэргэ музей иһэ тилиннэ, юкагир норуотун старейшинатын выставката тэриллэн, гини олого – киһиэкэ колобур көллөрөр, кытаанак һанаалаак онуга норуот традицияларын умнубакка, илдьэ һылдьарга.

Юкагир норуотун старейшината 83 дьылыгар бэрт һэниэлээк, творчествонан дьарыктанар. Бырааттыы Куриловтар балтылара – колкоз-совхоз производствотын ветерана, юкагир тылын онуга культууратын билээччи, юкагир норуотун ырыатын толорооччу, прикладной искусство мастерицата, эбээн- юкагир «Ҥэривдэн» («Заря») коллективын кыттыылаага. Выставкага һүүрбэччэ үлэ турда, кас биирдиитэ – шедевр, маастар илиитинэн оҥоһуллубут. Гинилэр ортолоругар – панно, огуруонан онуга мулиненан тигиллибит, һарыынан аппликация, түүттэн ковер, Андрюшкина 75-с дьылыгар аналлаак, онно туундара дьонун олокторун көллөрбүт.

Үгүс үлэ, былыргы юкагирскай маллар: бэргэһэ – моҥо, һайыҥҥы атак күлүбэ, һарыыттан перчатка, миинэр таба ыҥыырын гытта матахалар.

Аллараагы калымалар күн таксар ыйыгар бу выставкага баран, илэ карактарынан юкагир норуотун наследиятын көрүөктэрин һөп. Дарья Николаевна – үгүс юкагир дьактаттартан Андрюшкина наслегка, төрүт тылынан һаҥарар онуга бэйэтин норуотун культууратын, традициятын үчүгэйдик билэр. Гини, тутуһар онуга толоруллуоктаак обрядтарын, ритуалларын мээр туһана онуга оҥоро һылдьар, ону гытта бэйэтэ багарарынан юкагир тылын онуга культууратын уроктарын оголорго дьиэтигэр үөрэтэр.

Дарья Николаевна Курилова бэрт кыттар юкагир Ассоциациятын онуга Совет старейшин үлэтигэр онуга Текки Одулок аатынан республиканскай премия лауреата. Гини өссүө ускуолага онуга Суктуула юкагир наслегын администрациятыгар көмөлөһөр, бэйэтин билиитин онуга мудраһын туһанан.

 

Ирина Курилова

Тылбаастаата Туприна П.И.

 

 

Читайте также:

Анна Васильевна Курилова и её песни: взгляд в прошлое юкагирского народа

Этнографический музей имени юкагирского писателя С.Н. Курилова: история создания

Николай Курилов: Вдохновение меня никогда не покидает