Россия һүтэн эрэр тыллаак төрүт олоктоок норуоттар учебниктарын оҥорор пылааннаактар

ИЛКЭН. РФ норуоттарын төрүт тыллар Институттарын, Якутия филиалыгар тофалардар, челканецтар, эбэҥкилэр онуга нанайстар тылларын учебнигын оҥоруохтара.

Филиал директора Наталья Ситникова кэпсээтэ, начальнай кылаас оголоругар учебник оҥорорго һорук турбута, тофалардар, челканецтар онуга эбэҥкилэр тылларынан, ону гытта основной школага нанайскай тылынан.

2024 дьылга институт сотрудниктара плсобие оҥорбуттара, оголор карыстабыллаак буолалларын көрдүк, көс олокко олорор оголор, онуга көһө һылдьар оголорго программаны оҥорбуттара. Ол программаны уонна пособияны бэрэбиэркэлээбиттэрэ Амурскай областка, Ненецкай, Ханты — Мансийскай, Чукотскай, Ямало — Ненецскай автономнай округка, онуга Якутияга.

Тофалардар — тюрк норуота Иркутскай областка. Гинилэр барыкаана 700 киһилэр, олортон 92 төрүт тылынан һаҥарар.

Челканцылар — бу тюрк норуота Алтайга. Гинилэр 1300 аксаантан агыйактар, гинилэргэ һуруга уоктар, того диэтэккэ, һаҥаларыгар алтай тылыгар һуок звуктар бааллар. Ол иһин гинилэргэ кинигэтэ онуга учебниктара һуоктар.

Нанаецтар Россияга 11600 киһи,үгүстэрэ нуучча тылынан һараллар. Олортон 1500 киһи нанайскай тылынан һаҥарар.

Эбэҥки тыла стабильнай положенияга баар. 2021 дьыл перепыһынан, Россияга 40 тыһыычча эбэҥки баар, онтон исследователлар этэллэринэн, олортон төрүт тылларын иллэ һылдьар 8% эрэ.

Туприна П.И. тылбааһа