Өлөөн районугар СВО кыттыылаактарын онуга кэргэттэрин өйүүллэр

ИЛКЭН. Һүрүн повестка Өлөөн эбэҥки национальнай район администрациятыгар СВО һылдьар киһилэри онуга гинилэр кэргэттэрин өйөбүл буолар. Район главата Лена Иванова биллэрэринэн, буус тоҥор ыйыгар 2022 дьыллаакка тэриллибит оперштаб күүстээк үлэтин ыытар: ол “горячай линияны” тэрийээһин, социальнай-психологическай көмө, онуга социальнай — правовой ыйытыыга информационнай – өйдөтөр үлэни , докумуону толорорго көмө, бытовой вопростары быһаарыы о.а.в.
Муниципальнай администрация муҥ өйөбүлэ , көмөтө – материальнай көмө 100 тыһыычча, образовательнай учрежденияларга эбии продукта набордара, буус ылан таһаарыы, , мас абыратан биэрии, боско медосмотр бараллар, культуурнай мероприятияларга һылдьыы, общественнай баанньык. Ый аайы карчы комуйар Фонд «Сегундер”, район предприятиялара онуа учреждениялара, общественнай объединениялар,активнай олоктооктор дьылы мэлдьи 7 467, 3 тыһыыччаны комуйда. Колобур, Өлөөн районун коллективтара онуга образовательнай учреждениялар 239,5 тыһыычча һолкуобайы комуйдулар. Ону гытта фондка концердартан, фестиваллартан, эҥин – эҥин ярмаркалартан киирбит карчы.
«2024 дьылга биһиги СВО зонатыгар квартыл аайы районтан гуманитарнай көмө ыыппыппыт. Барыкаана выездтарга 9035,2 тыһыычча һолкуобай, 1,8 тонна гуманитарнай көмө оҥоһулунна», — диэн район главата Лена Иванова кэпсиир.
Глава биллэриитинэн , активнай олоктооктор , строительнай компаниялар, индивидуальнай предпринимателлар 778,8 тыһыычча һолкуобайдаак оборудованияны биэрбиттэрэ. СВО зонатыгар һылдьар военнослужителларга онуга гинилэр кэргэттэригэр 4002,3 т.һ. материальнай көмө көрүлүннэ, комунальнай расходтарын төлөбүргэ 356,1 т.һ. , проездтар расходтара 625,4 т.һ. төлөннө. Лена Иванова этэринэн, СВО участниктарыгар онуга кэргэттэригэр көмө буола туруога.
Марина Коренева
Тылбаастаата Туприна П.И.
Фото: https://t.me/ivanova_olenek