Колымскай поселогын ситуациятын котрольга ыллылар

Күн таксар 21 күнүгэр, Һака республикатын Арктика һайдыытын онуга коту норуоттар дьыалаларын Министерствотыгар рабочай совещание буолан ааста, Нижнеколымскай район Колымскай поселогар дьиэ тутуутун онуга социальнай объектар тустарынан боппуруостарга аналлаак.

Министр һолбуйааччыта Михаил Погодаев этэринэн, совещанияга кыттыбыттара атын министерство онуга ведомства представителлара, онуга поселок, район админстрацията. Кыттааччылар кэпсэппиттэрэ, үгүс квартиралаак олорор дьиэ онуга чааһынай олорор дьиэ тутуутун, бу дьыл күн таксар 17 күнүгэр, 12 квартиралаак убайбыт дьиэ дьонноругар анаан.

Олорор дьиэ тутуутун республиканскай “Моя Якутия 21 веке” камсааһын программатынан тутуокка һөп диэн буолла. Ону гытта 80/40 миэстэлээк ускуола – садик тутуутун боппуруостарын кэпсэттилэр, проектнай – сметнай докумуону оҥоруокка диэн.

Совещания кыттааччылара бэлиэтээтилэр, Колымскай поселок биир һоготок чукчалар олорор һирдэрэ буоларын, гинилэр чукча поруодалаак табаны иитэллэрин. Поселок РФ төрүт олоктоок агыйак аксааннаак Котугу, Сибирь онуга Дальняй Восток олорор һирдэрин перечинигэр киирэр.

Михаил Погодаев бэлиэтиир, Колымскай поселогар дьиэ тутуута һалганыа.

Туприна П.И. тылбааһа