Арктика дьактаттара Турцияга биллибиттэр

ИЛКЭН. Эбэҥки ырыаһыта Галина Веротнова онуга режиссер Мила Кудряшова, «Арктика дьахтаттара Турция үс гуоратыгар: Стамбул, Алания онуга Анталия» документальнай киинэни көллөрдүлэр. Күн таксар 10-16 күннэригэр түөр показ буолан ааста, көрөөччүлэри Якутия муҥ культууратын гытта билсистилэр. Турне бүтүгэһэ Московскай международнай ускуолага Анталияга буолла, бунна үөрэнээччилэр төрүт быһыыны карыстыырга онуга муора һирин дьактаттарын муҥ оруола буоларын биллилэр.

Һанатабыт, режиссер Мила Кудряшова киинэ муҥ һанаата буолар, Санкт – Петербурга бэрт боскуой образтаах онуга биэс муора дьактаттарын олокторун туһунан. Муҥ геройдарынан – «женский голос Арктики» всероссийскай конкурс лауреаттара, биир ааттаак Медиапроекты гытта буолбута: Галина Веретнова, Констанция Петрова, Нарияна Ренанто, Туяра Жиркова, Варвара Степанова. Бу киинэ үс документальнай новеллаттан турар: «Констанция родом из Тяни», «Удаганки», «Ехарье». Муора һирин карыскаллара бэйэлэрин олокторун онуга һитиһиилэрин кэпсииллэр, норуот ремеслотын һатабылын онуга искусствотын, ритуаллар туок истээк буолалларын онуга иччилэри гытта кэпсэтэллэрин. Героинялар бэйэ бэйэлэрин гытта майгыннаабаттар. Гинилэр олок үстүн баран иһэллэр, бэйэлэрин төрүттэрин умнубакка. Гинилэртэн кас биирдэрэ – бэйэтин норуотун традициятыгар һирдьит буолар.

Тылбаастаата Туприна П.И.