Таба иитиитин туок күүтэрий 2025 дьылга

ИЛКЭН. Бу дьылга дьиэ табатын аксаана региоҥҥа Минсельхоз пылаанынан 8,5 проценынан үрдүөктээк 175,8 тыһыычча аксааҥҥа.

Табаттан оҥорон таһаарар продукция объема икки кот үрдүүр – 1200 тонна дьылга. Онуга былаастар өссүө алта эбии убойнай цех оҥороору гыналлар 2028 дьылга диэри. Таба аһыыр һирин хозяйстволарга биэриллэрин көрдүк диэн вопроһу быһаарыы буолар. Того диир буоллакка, таба аһыыр һирэ (туундараны эппэтэккэ) табаһыттарга диэн официально һыһыарылла илик. Ол һирдэр лесной фондка киирэллэр, т.д. российскай һокуоннар быһаарыыларынан.

Аны, һайын оголору ыстаадага илдьэргэ онуга төттөрү дьиэлэригэр агаларга, эдэр кадрдар тиийбэттэрэ, корал онуга дьиэ тутуута ыараабытын, кыыл табалар ,дьиэ табатын иллэ баралларын, таба итиитин финансированиятын вопростарын үчүгэйдик көрүөккэ наада.

Һанатабыт, республикага дьылын аайы таба иитиитигэр 1 миллиардтан элбэк карчы көрүллэр. 144 хозяйствога 1245 киһи үлэлиир, олортон 1010 пастух онуга 235 чумработник.

Валентин Хоту

Туприна П.И. тылбааһа.