Педагог, коллега, айааччы өйдөбүлүгэр
ИЛКЭН. Нижнеколымскай район Андрюшкина поселагар , күн таксар 11 күнүгэр С.Н.Курилов аатынан музейга өйдөбүл киэһэтэ буолан ааста, Полина Гавриловна Курилова 80 дьылыгар аналлаак – коллега, педагог, юкагир культууратын билээччи онуга эбээн-юкагир “Ҥэривдэн” (Заря) ансамблын тэричээччи.
Киэһэни арыйбыта музей күһээйкэтэ Алиса Черникова. Салайааччы Александра Никанорова дорооболосто , Полина Гавриловна уурууларын, һугас дьоннорун, коллегаларын гытта. Музей онуга поселок библиотекатын сотрудниктара, Полина Гавриловна һитиһиитин туһунан фотостенда оҥорбуттара, грамоталарын онуга бэйэтин малларын муспуттара.
Коллегалара гини һитиһиилэрин һанаабыттара, Д.М.Неустроева музейга Полина Гавриловна сумочкатын онуга значоктарын биэрбитэ, М.А.Яковлева онуга М.И.Вырдылина бэйэлэрин һанааларын үллэстибиттэрэ.
Полина Гавриловна Курилова бииргэ үөрэммит оголоро, невестката, “Ҥэривдэн”ансамбль кыттыылаактара, эдьийэ онуга племянницата гини үтүө һанаалаагын, Иньэ һиргэ тапталын, олокко үөрэрин. Киэһэ кыттыылаактара гини творчествотын онуга культуурага кылаатын һанаабыттара.
Юбилярша туһунан һанаалар кэнниттэн, «21 век: энциклопедия культурных центров Республики Саха (Якутия)” һаҥа кинигэ презентацията буолбута. Бу кинигэ, культуура үлэһиттэригэр онуга Олеринскай кулууп художественнай самодеятельнастарыгар ананар.
Ведущай барыкааннарыгар һанааларын иһин паһиибалаабыта онуга киэһээни бүтэрбит, бары каартыскага түспүттэрэ онуга ужиннаабыттара. Гини паһиибатын эппитэ киэһэ каһаайкаларыгар онуга коллегаларыгар , үлэлэрин иһин.
Аудиав долчилда:
Александра Никанорова, общ.корр., Андрюшкино поселога
Пелагея Туприна тылбааһа
Фото: Елена Винокурова
Материалы по теме:
Она была первопроходцем во всем
