Якутия норуоттарын Ассамблеятыгар һаҥа председатель

ИЛКЭН. Күн таксар 28 күнүгэр Һака Һиригэр «Ассамблея народов России» региональнай отделения общероссийскай общественнай — государственнай организация уопсай муньага буолан ааста. Мероприятия булкуллагас форматтаак буолла: аҥар кыттааччылар онлаин режимынан кэпсэтиигэ кыттыннылар, А.Е.Кулаковскай аатынан ДДН пресс – службата биллэрэр. Александр Подголов, билиҥҥи Якутия норуоттарын Ассамблеятын председателя, Афанасий Владимиров кандидатуратын эттэ, Һака Һирин народнай депутата онуга Һака Һирин Государственнай Собраниятын (Ил Түмэн) председателин заместителя, Һака Һирин «Ассамблея народов России» региональнай отделения общероссийскай общественнай — государственнай организация һаҥа председателин должноһыгар.

Афанасий Семенович государственнай службага үлэтин опытын онуга общественнай пректары өйүүрүн туһунан кэпсээтэ. Гини мунньакка кэлбит дьоннор ыйытыктарыгар эппиэттээтэ онуга Ассамблея региональнай отделениятын приоритетнай кайыскаларын бэлиэтээн эттэ. Голостааһын түмүгүнэн Афанасий Семенович бары куолаһы ылан талылынна, Һака Һирин «Ассамблея народов России» региональнай отделения общероссийскай общественнай — государственнай организация һаҥа председателинан.

Һака Һирин норуоттарын Ассамблеята 1992 дьыллаакка, I Һака норуотун Конгрессын делегаттара быһаарыыларынан тэриллибитэ онуга Һака Республикатын маҥнайгы Президенын Михаил Николаев өйөбүлүн ылбыта. Организация сыала – биир буолууну кытаатыннарарга, карыстыырга онуга республика үгүс норуотун һөбүлэҥэ буолар. Ону гытта Ассамблея, Һака Һиригэр олорор норуоттар этнокультурнай самобытнастарын карыстыырга онуга национальнай – культурнай һайдалларыгар үлэлэһэр.

Туприна П.И. тылбааһа