Чукоткага юкагир тылын дьыла буолар

ИЛКЭН. Паас түһэр 2 күнүгэр Наследие Чукотки музейнай центрга Анадырьга көсүһүү буолла, юкагирдарга аналлаак – биир төрүт олоктоок Чукотка норуота. Якутия юкагирдарын представителлара мероприятияга онлаин кыттыстылар.

Көсүһүү кыттыылаактара юкагир материальнайа һуок культурнай наследияларын гытта билсистилэр. Төрүт тылларга аналлаак Окружной фестиваль тэрийиитин онуга былааннарын, онуга Чукотскай автономнай округка 2025 дьыл юкагир дьыла буоларын кэпсэттилэр.

Вячеслав Шадрин, Ирина Курилова, Валентин Акимов онуга Макар Курилов инники проектарга бэйэлэрин үлэлэрин туһунан кэпсээтилэр. Бу дьыл һааһыгар омоллоонскай юкагирдарга экспедицияны пылаанныыллар. Билибина районун Омолон поселогар олоктооктор төрүт тылларын үөрэтэр клуб тэрийбиттэр. Пылааҥҥа юкагир культууратын фестивалын тэрийии онуга национальнай оонньуулары. Ассоциация представителлара онуга Совет старейшин , төрүт тыл преподавателлара омолонскай активистары өйүүллэр, һүбэ буолаллар. Гинилэргэ юкагир литератууратын, словарьдары онуга разговорниктары ыыппыттара.

Паас түһэр ыйын 21 күнэ, Аан дойду үрдүнэн төрүт тыл күнэ, Анадырьга Чукотка автономнай округар Юкагир тылын Дьылын официальнай арыллыыта буолуо. Чукотка администрациятын ыҥырыытынан, мероприятияларга юкагир норуотун Совет старейшин председателя Макар Курилов кыттыага.

Интириэһинэй, Анадырь юкагирскай төрүттээгэ буолара. Урут бунна юкагирдар олорбуттар, эбэгэ турар гуораты , гинилэр Онадырь (“ану-ан” диэн тыл) дииллэрэ, юкагир тылыттан «эбэ” диэн тыл буолар. Маҥнайгы ньуучча казактара эбэгэ острог туппуттара онно гинини Анадырскай диэн ааттаабыттара.

2020 дьыл перепиһынан Чукоткага юкагир аксаана барыкаана 152 киһи буолбут (2010 дьыл перепиһынан 198 юкагир).

Ирина Купилова

Туприна П.И. тылбааһа

Фото: Музейный Центр «Наследие Чукотки»

Читайте также:

Фольклорно-лингвистическая экспедиция к тундренным юкагирам

Анна Васильевна Курилова и её песни: взгляд в прошлое юкагирского народа

Юкагиры о космосе и небесных светилах