Һылаас кыһын топливоны онуга продуктаны арктическай районнарга таһарга мэһэйдээк буолар

ИЛКЭН. Якутия топливоны онуга атын наадалаак таһагастары кыһыҥҥы орогунан таһар, үгүс орок эбэлэр , үрэктэр үстүн барар. Ол гынан кыһыҥҥы орок , таһаара һылаас буолан эрдэ һабыллыан һөп.

Республика главата Айсен Николаев һоторутаагыта, прямой эфирга таксарыгар кутталын биллэрбитэ, арктическай онуга ыраак һытар районнарга топлива барыкаана кыайан тиийбэтэ буолуо диэн. Үгүс олоктоок дьоннорго кыһыҥҥы орок – бэрт наадалаагын, онон гинилэр районнарга, куораттарга бараллара – кэлэллэрэ, продукта онуга атын товар ылыналларыгар.

Региоҥҥа түргэнник таһагаһы таһыыга үлэ бара турар. Ол гынан һылаас погода онуга чараас буус мэһэйдиэн һөп, таһагаһы таһыыга.Таһагас түргэнник тиийэрин көрдүк, үгүс массыынанан тастарыакка наада, ол расходу элбэтэр таһагас таһыытыгар, ону гытта һыана товардарга эмиэ үрдүүр.

Ирина Курилова

Туприна П.И. тылбааһа