Великтон Прокопьев: эбэҥки тылын карыстабыла , үөрэтии онуга интернет нөҥүө

Эбэҥки тыла , һүтэн эрэр тыллар аксааннарыгар киирэр. Дьылын аайы буннук , культууратын иллэ һылдьар дьон аксаана агыйыы турар. Тыл бэрт наадалааҕын өйдүүр , һыаналыыр, ону һайыннарарга үлэлиир дьоннор бааллар.

Оннук киһилэртэн биирдэстэрэ – Великон Дмитриевич Прокопьев – Алдан районун, Катыстыыр поселогыттан һылдьар эбэҥки, гини төрүт тылын 50 дьылыттан үөрэтэн һагалаабата. Гини өһө бэртээк, каһан да койут буолтак , төрүт тылы үөрэтэргэ. Тылы үөрэтэригэр көмө буолбут Наталья Юрьевна Ушницкая, ускуолага улакан дьоҥҥо курс тэрийбитэ. Гини барбытын гытта, Великон Дмитриевич поселакка төрүт тылын билэр киһи һуога куһаган диэн һаныыр.

Катыстыр поселокка эҥин – эҥин эбэҥки төрүттэрэ олороллор. Урут төрүт тылларынан , һака тылын курдук һаҥарар этилэрэ.

«Куччугуй һылдьан истибитим, эбээлэр кэпсэтэллэрин, дьулкаактар һаҥаралларын, биһи ону туолкулаабат этибит. Дьактарым Христина Григорьевна иньэтэ онуга эбэтэ төрүт тылларынан кэпсэтэллэрэ, гини эмиэ куччугуй һылдьан һаҥарар этэ. Билигин Катыстыырга төрүт тылларын билэр киһи каалбатак,» — кэпсиир Великтон Дмитриевич.

Ол гынан гини бэриммэтэк онуга төрүт тылын бэйэтэ үөрэитэтэ һылдьыбыт, кинигэ аагара онуга аудио запись истэрэ. Бэртээк кинигэ киниэкэ буолбут Тровимов олонкто, бу кинигэ киниэкэ бэрт күүһү биэрбитэ онуга билиини.

Великтон кыыһа, Валерия Северо – Восточнай федеральнай университет филологическай факультетын үөрэнэн бүтэрбитэ. 38 ускуолага эбэҥки тылын учииталынан дьылын Якутскайга үлэлиир. Бу көллөрөр төрүт тылы үөрэтэргэ кичиҥээргиири, үйэттэн үйэгэ кааллара.

“Кыыһым ускуолага предметтарга барыкааныгар үчүгэйдик үөрэнэр этэ. Эбэҥки тылын учиитала буоларыгар мин влияниям һуок, гини бэйэтэ багарбыта. Гини өссүө английскай тыл учиитала», — кэапсиир Прокопьев.

Аныгы олокко, технология бэрт һайдан турар кэмигэр, Великтон Дмитриевич, кайдак төрүт тылын карыстыыр онуга һайыннарары туолкулаабыт. Гини эбэҥки тылын үөрэтэр ватсап – группага киирбит. Гини билигин кас да группага баар , онно эҥин- эҥин билиилэрин, опыттарын үллэстэллэр. Прокопьев бэйэтэ группа тэриммит, онно билигин 29 киһи баар, республика эҥин – эҥин районнарыттан. Гинилэр һуругунан кэпсэтэллэр, аудио устан ыыталлар, ырыалары онуга коһооннору переводтыыллар.

Великтон Дмитриевич Прокопьев историята көллөрөр, биир киһи төрүт тылы карыстыырга онуга һайыннарарга муҥ улакан кылаатын киллэрэрин. Гини үлэтэ , атын дьоннорго вдохновения буолар, маннык дьыалага кыттыһарга.

Ирина Спиридонова

Каартыскага В.Д.Прокопьев кэргэнин гытта.

Тылбаастаата Туприна П.И.

Ирина Спиридонова

На фото В.Д. Прокопьев с супругой

Читайте также:

Мессенджеры как инструмент сохранения родных языков народов Севера