Женщины замужем
Анна Николаевна, как сама говорила, с малых лет любила слушать сказки и потом по своей работе она объездила много мест, где живут эвенки, и записывала слова, сказки, сказания, рассказы, предания и легенды о старине, песни. Все услышанное и увиденное она записывала от руки и на магнитофон. Она выпустила много научных трудов, разных пособий по изучению родного языка. Особое внимание она уделяла эвенкийским сказкам и сказаниям, через которые у эвенков пробуждался интерес к духовной жизни своего народа и богатству родной речи. Через мудрость сказок и сказаний она хотела привить понимание необходимости изучения родного языка у тех сородичей, кто не знает родной язык.
Эвенкийские сказки – это источник добра и мудрости человеческой, они как теплые и добрые лучи солнца, которое эвенки воспринимают как божество Сигундэр, могут согревать душу человека. Отныне мы будем печатать эвенкийские сказки на родном и русском языках, чтобы наши дети и внуки не забывали о своих корнях.
Умнэ некэ эһэкэнюн бакалдычал, улгучэмэчилчэл. Эһэкэ некэдук һаннуча:
— Некэ, си экундук сомат һэгдыт ҥэлэҥнэнни?
— О, би эр тур дуннэ оёдун биһилдук сомат һэгдыт олоптыдук ҥэлэҥнэм. Долбо һактыраду кэвэрдули ҥэнэдерэкив, оҥоктов һэргидэмэдукин олоптыки умнэт «курт» гуннэ тэпкэһиннэе дэгиливки, тадук би олоёчиҥнам, меванми аран эвки дэлпэргэрэ, тадук би сот нуҥандукин ҥэлэҥнэм. Си-кэ, эһэкэ, экундук ҥэлэвки биҥнэнни?
— Би бими бэелдук сомат ҥэлэҥнэм. Бэел пэктырэвучил бивкил, тариҥдивар со городук пэктырэнивкил, эделис нуҥарватын долдыра-кат, ичэрэ-кэт. Нуҥардутын гида гунмури биһин, тариҥдивар дагамаракис гидалана вавкил. Тугэ авдундуви адяракис нян бакавкил, ниҥнунди авдувас уркунал һэрувувкил-дэ нян пэктырэннэ вавкил. Би сот тарилдук ҥэлэҥнэм.
— Кэ, би бэелтыки ҥэнэктэ. Он-мал улэкинэ умун бэее элэ эмэвдеҥэв, си вадави нуҥанман. Си-кэнэ олоптыкила ванакал, эр кэвэрвэ дялумкаки умивдави, эһилэ би нуҥарватын аивдалави девдеҥэв. Кэ, илаллали эду-ты бакалдыгат, — гунчэ некэ.
Эһэкэ, манатпи никинмави оһиһинна дялдатар оһа, гунчэ:
— Кэ, бигин си гуннэгэчинни. Би тар олоптыкила бэйҥэнэктэ, си бэелтыки сурукул, сот мэдучэнэ гиркукал, тар бэел дяличил, эр-тар албаһичил, синэ вадатын элэкин.
— Би-дэ он-мал некэнэ нуҥарватын улэкиҥнэм-кэһин, умунмэтын-вэл элэ бодовуҥнам-кэһин, — гунчэ некэҥин.
Эһилэ тарит һуетчэл, бэйҥэнэчэл. Эһэкэ аракукан кэвэрилду- ли гиркуктадяна, олоптыкилва умутулди тавдяча, умун амут мун олгочо дуннэдун умивдяча. Илан инэҥивэ, илан долбонива энэмэ дэрумкимкэрэ һавалдяча, или инэҥидуви эһилэ тар ол- гочо амудиҥми дялумкаки умивча. Эһилэ дэрумкинэ һуглэденэ некэҥми алатчавки, умун инэҥи илтэнивки, дюр инэҥи илтэнивки, или инэҥиҥдуви эһилэ нуҥанман гэлэктэнэвки. Удяван бакаһа, удядявки-удядявки. Эр бэел урикиттулэтын иһивки, бэел нулгичэл тынивэ чагуду, һулэптэнтын тукча, удялтын доҥоточол. Некэҥин ачин. Эһэкэ бэел гуликпэтын эрукталча, тар-ты некэҥин уллэкэнин, доҥотоһо, нерделодериван бакача. Бакаһа, тэгэтчэнэ һэгэлчэ:
Некэкэкун, минэ эһис долдыра
Бэелвэ он улэкидэви дялдарис?
Гунчэв синду, сэрэнчэнэ гиркудас,
Бэелдук сомат ҥэлэдэс!
Эһилэ эду си бунни,
Бэелдук си вавунни,
Гуликтувэр гуличэл,
Тогодувар имтычэл.
Бэекэкур иргэчил,
Бэйҥакэрдук эҥэһил.
Эдук-дэ дюлэски нуҥартын
Мундук дялурал биктын,
Эр тур дуннэ оёдун
Со горово бидектын!
