Болонилдулэ дуннэлэ нулгирэ

Районныел сельхозуправлениел гундерэ: «Иркин этэврэкин 2024 аннаниду, бутуннулду, 181, 2 тыхинча орор бихин. Плановой заданиевэ 103, 6 процентал очал. Тыкэ мунду гунэн, руководитель отдела традиционных отраслей Минсельхоза Иннокентий Баланов. Гундерэв, элэкэсиптыду гиравунду, эр аннаниду аграрнайду ведомстваду 171, 5 тыхинча бэйнэл бихитын. Бутуннулду 144 ороннихозяйствалду, 1245 бэел хавалдяра. Этэечимнил-1010, чумработницал- 235 бэел. Эр аннаниду, тадук геду аннаниду, эннэкэр 45, 9 процентрал балдычал. Сагдыл орор 84, 8 процентал. Эткан этэечимнил болоскитылдулэ нулгирэ. Ветеринарнай служба гундерэ, Оленекскайду районду орор бумудерэ. Карантинмэ нарэ, ветеринарил ичэтчэрэ.

Алданскайду, Булунскайду, Усть-Янскайду, Нижнеколымскайду, Нерюнгринскайду, Олекминскайду, Эвено-Бытантайскайду улусалду 115 иргичилвэ пэктырурэ. Тадук, Анабарскайду районду орорду татар, ветеринарил нян хавалдяра. Илан урикитылду ветеринарнай обработкавэ орорду очал. Отчетнайду периодту 37,7 тыхинча эннэкэр балдычал, 2023 аннаниду 34,6 тыхинча эннэкэр бихин. Эткан, хэгды хававэ этэечимнил одятын, болониду орор аят бидятын.

2024 аннаниду, бутуннулвэ соглашениелвэ направлениелду субвенций развития орордули, дукчал бихитын. Тадук, администрациялду районылду унчал.

Лучадыт дукча: Валентин Хоту
Фото: Иннокентия Баланова
Эвэдыт дукча: Колесова Алёна.