Ге сирудянду, таткит гэрбичи Г.М.Василевич омактавэ уркэвэ кунакарду нирэн

Эвэдыду бикитту Иеннэду, таткитту гэрбичи Г.М.Василевич, торжественнай линейка нэнэрэн. Эр аннаниду элэкэсиптылэ класстула тунна кунакар эмэрэ. Дыгин омолгичар, умукон хунаткан. Дян умуконду классту-умукон хунаткан Колесова Динара.

Торжественнайвэ линейкавэ, мутни директор Попова О.В. нирэн. Тадук, глава Иеннэду хавалдяри Юхновец Ю.В. гунэн: «Кунакар, алагумнил, амтыл иныхинман со ая инэни, бутуннул кунакар, эр Бугаду индерил, таткитла нэнэрэ. Би сунду аявэ аятчэм, кунакар аямат таткаллу, алагумнил аямат хавалкаллу! Эткан мит омактала таткитла эмэрэв, эду дюганивэ ремонтвэ одяритын, со ая, гудяй таткит оран! Кэтэ хававэ директор Попова О.В. оран, нунанду хэгды баиба, тыкэ-дэт хавалкал!»

Тадук линейкала мутнил спонсарил эмэрэ, эр: ООО «Титан Автотрейд», ООО «Недраголдинвест», нунартын кунакарду, элэкэсиптыду классту подаркалвэ анирэ.
Торжественнай линейка этэрэн тыкэ: кунакар икэндеритын, стихотворениелвэ тандяритын, фотосессия бихин. Тадук, кунакар, алагумнил урокилтыки нэнэрэ.

Эвэдыт дукча: Колесова Алёна