Международная олимпиада «Турэн», орочондула Китайдула ирэмэрэн
Иныхинман, ге этап дян умукон «Международнай Олимпиада «Турэн-2024», эвэнкилду, эвэнилду, тадук орочонылду Китайдук нэнэлчэ. Нунан орочонскайду бикитту Синшэн провинцияду Хэйлунцзянду, городту Хэйхэду Китайскайду народнайду республикаду нэнэдян. Элэкэсипты этап Амурскайду государственнайду университетту, городту Благовещенскайду нэнэрин.
Мутни редакция ичэтчэрэн, эр Международнайвэ проектвэ, нунан Федеральнайдула пландула основнойдула мероприятиелдула «Аннанин культур Россияду, тадук Китайду 2024-2025 аннанилтыки ирэн. 2014 аннаниду олимпиада «Турэн» мэнниви хоктово оран. Тар аннанилду олимпиадала эвэнкил Россиядук, Амурскай дуннэдук, тадук орочоныл Китайдук эмэнкитын. Аннанитыкин олимпиадала, кэтэ эвэнкил эмэдеритын, тадук эвэнил-да, нян эмэлчал бихитын. Эр аннаниду, олимпиадала «Турэн-2024» эвэнкил Россияду, Китайду индерил, орочоныл, эвэнил, нанайцал, удэгейил эмэрэ.
Он гундерэн, организатор Ольга Николаевна Морозова, заведующая кафедрой иностранных языков Амурского государственного университета, сайту учебнайду заведенияду: «Мутни задача, турэнмэ, одёлво, итылвэ одёдёдо, ичэтчэда, сада, эдатын кунакар омноро».
Олимпиада этэврэкин, мит сунду гундят, ни давдыран.
Мероприятия-спутники Международнайду олимпиададу территорияду РФ:
Неделя фотографирования, эвэды, орочонилни культуран олимпиададу «Турэн». Конкурс, ни аят фотовэ одян. Тадук фото-выставка Натальи Поспеловой, Владимира Воропаева.
Северная конференция (болони сезон).
Турэнкэн-кунакады конкурс, номинациел: икэн, интервью, декламация.
Семинар-совещание алагумнилду РФ, тадук орочонов КНР.
Практическай хава алагумнилду, ни эвэдывэ турэнмэ таткитылду нэнэвки.
Марафон эвэдыл нимнакар (студияду дукувкил).
Гала-концерт икэндери ансамбли эвэнкилдук, тадук эвенилдук, орочонылдук Китайду.
Мероприятиел-спутникил Международнайду Олимпиададу, дуннэду КНР:
Международнай кунакады конкурс «Би мэнниви турэнми сам», эвэнкил, эвэнил, орочоныл (орочонскай бикит Синшэн).
Экскурсии городту Хэйхэ.
Лучадыт дукча: Аят Сатаров
Эвэдыт дукча: Колесова Алёна
Материалы по теме:
