Бикитту Андрюшкино «Балдыдяк инэнивэ Комсомола» нэнэврэ

ИЛКЭН. Музейду культурно-историческайду дюду (МКУФЦ) бикитту Андрюшкино (Нижнеколымскай район) 29 угунду, балдыдяк инэни Комсомола, нэнэрэн бакалдын «Комсомол, си минниду дялду».

Мероприятиелэ ветераныл комсомола бихитын: Дария Николаевна Курилова,отличник бэелниду просвещения РФ, ветеран алагумнилниду хаваду Татьяна Даниловна Третьякова. Мэннюн нунартын комсомольскай билетылвэ эмурэ, мевандулду комсомольскай значекил килбэлэдеритын. Нунартын эдэрилду бэелду улгурвэ сэхэргэдеритын, экуды нунардутын, билир ин бихин, экудывэ хававэ одяритын, эткапты ин, ая бихин.

Мевандукви, гороптылвэ комсомольскайнилвэ икэрвэ икэрин, якоды турэнди, ветеран комсомола Марта Яковлева.

Директор МКУФЦ Анигина Слепцова, кэнэнэн маталвэ, кунакарду, анивурвэ анирэн. Илмактал бэел долчатчаритын,подвигилвэ, хавалвэ комсомолил одячатын, ноноптыду ВЛКСМ. Этэденэл, нунардутын налэлдивэр тапкахадеритын.

Минутаду чэрулидун, дёндячал бэелвэ, ни эткан ачир, эр дуннэду, нунартын меван додун эмэнмудятын.

Александра Никанорова, общ. кор.
Бикит Андрюшкино.

Эвэдыт дукча: Колесова Алёна