Эвэнкил хаван «Тэкэвун гэлэктэнин»

ИЛКЭН. 28 гиравун бегаду «Точка кипения» гунмуриду элэкэсипты хаван « Тэкэвун гэлэктэнин» ԣэнэрэн, екодыл эвэнкил ассоциациян Национальнай Екоды Республикады архивнун овчал.

Екатерина Сергеенко, бэгин савкандери отделин архивту тэдэвкэнэн, эткэн со кэтэ бэел  Якутияду мэнԣилвэр тэкэрвэр садавэр эетчэрэ. Анԣаниду эргэчир бакалдынма тунԣара,нюԣура  бакалдывкил. Хадылва нуԣан эвэнкилвэ сарэн.

Екатерина Сергеенко  улгучэнчэ иду савкарива гэлэктэдэ, тар мэнԣиви тэкэвунмэ овканда. Савкарива  церковь балдыдяк дукчариду книгалду, ревизскай нимԣакардук, таԣун дукувунду тадук военкоматылдук..

Екатерина Анатольевна кэтэвэ тэдэвурва он Хангалассаил эвэнкил нонон биԣкитын, эр тэдэвур Национальнай архивту бихи. Ревизскай нимԣакан- эр дукувун окин бэелвэ ревизиевкэнэ Российскай империяду.

Элэкэсиптыл  упкат Российскай таԣувур дукувунтын 1897 анԣаниду, Республикадув 1927 анԣаниду овувчал. Хавалдярил Национальнай архивту сунду мэнԣиви тэкэнми  бэлэтчэдятын овканда, бакада .Бидерил он тэдэвурвэ бакада, он сайтнун хавалда саллэ.

Ге хавунма бэгин Александр Николаевич Варламов ԣэнэвувдян, нуԣан со кэмэвэ сарэн. Эвэнкил Якутиядук со ая хавава одяра, мэнԣиви тэкэвурвэр садатын эетчэрэ.

Аят Сатаров