Гиравун бега  «Илкэн газетаду , таԣкаллу

ИЛКЭН. Ая инэԣи, гиркил! Элэкэсипты эр омакта  анԣаниду Республикани газета «Илкэн» ГАУ РС(Я) «Сахапечать» юрэн.

Гиравун бега ноновулдерэкин  сигун  Заполярнай  дуннэлду юрэн. Север тэгэлтын со аявдерэ сигуннун бакалдыда.(1стр)

Ⱨи мэнԣиви турэнми садави эетчэрэн, сарэн  таԣкаллу страницалва дюр, дыгин. Эду су омакталва турэрвэр садявун.

Эду  су лучадыт турэнди дукнаван, он индерэ Северды тэгэл садяхун.

Страницаду тунԣа Андрей Исаков дукча, он геванԣан хелтапча бегаду газета «Илкэн» дюрдяр тунԣа анԣаничи очан. Хэгды улгурва дукча, он портал «Илкэн.ру» хавалдяран.Сома ая эвэмԣу Марфусалова Августина Дмитриевна гунча: «Эхиткэн,илмактал бэел интернетту «тэгэтчэрэ» муттԣил турэрты, нян таду биктын» (стр 13)

Рубрикаду « Артикани время» су улгурвэ Погодаев Михаил Арктикава  хэгдыдери министр заместителин нуԣанни ведомсвот  мэндуливи хаваливи , он северды тэгэл бидерэ   улгучэндян.( Валентин Христофоров дукнаван таԣкаллу стр 8)

Страницаду егин  Ирина Курилова денчадяран  эвенԣи дукумнива ,Василий  Спиридонович Кейметинов- Баргачанма. Нуԣанду дян дюр гиравун бегаду  дяпкундяр дыгичи  анԣани омча. Нуԣанма дендячал тадук  омакта книгава презентациява овканчал «Баргачан- оми эвенԣи  тэгэлты».Ирина Курилова денчадяран («Нуԣан минду хэгды гирки биԣкин») стр 9.)

Страницаду дян  эвэнки Алдандук Степан Похомов сэлэвдери бултача, мит улгучэндят.   Эду-дэ  Союз общинин  Якутияԣи  бэгинтын  Анатолий Лебедев он общинал бакалдычал улгучэнчэн.Нуԣан ханԣусалва федеральнайду, региональнайду гулдынэ  гулдыдечэн.

Дюду гиркилэн тэгэл Якутияԣиду урунчэдери  церемониян номинацияду «Триумф итылтын, умунуптуду» общественнаил северды организациялду наградалва бучэл.Эр анԣаниду дуннэвэ  дысутчэмниду РФ тадук РС(Я) гэрбичэл.

Национальнай  таԣкитту Якутияԣи  презентациява нимканма  екоды турэнди  дукучадери , эвэнкил- мурченил Бурятиядук бидерил  нимԣакаланВалентин Исаков ичэвкэнчэн.Тадук савувдеринун  россияԣи алагумнинун,телевизор турэчинун ДмитрийПетровнун бакалдычал.(« Переводчик Исаков, тадук турэрвэр садяри Петров»Аят Сатаров стр12).

Мутту омакта дукумни, нуԣан Омскайдук Дмитрий Сидоренко. Нуԣан  бугалдули, бултакиттули дукчаран. Инэԣинман су омактава улгурва «Схватка великанов» таԣдавэр (14-15).

Андо Соктоев фоторепортажва межрегиональнай ичэвкэнэдук «Ярил Севердук», кэтэ оламнил эр ичэвкэндулэ эмэрэ (119 бэел). Тар центр «Симэх» бэгинтын Яна Игнатьева,оламнил эр ичэвкэнинду омакталва, аялва хавалва  ичэвкэнэ.

Таԣкаллу «Илкэнмэ»,дукукаллу мутту.Порталтыки икэллу.

Валентин ХОТУ

Эвэдыт дукча: Маргарита Кириллова