Чукоткаду юкагир турэнтын анԣани одяран
ИЛКЭН. Чукоткаду юкагир турэн анԣани ԣэнэвувдеԣэн. Ге мирэ бегаду Анадырьду юкагирил дюдун «Наследие Чукотки» гунмури бакалдыдятын, Екоды республикадук юкагирил онлайн арчалдыдятын.
Эр бакалдынду бидерил юкагир культураван салчал, тадук он тар Бакалдын юкагир турэн 2025 анԣаниду Чукотскай автономнай округту ԣэнэдян.
Вячеслав Шадрин, Ирина Курилова, Валентина Акимова, Макар Курилов улгучэмэтчэл, он нуԣартын хавалдяра, экунма одяра.
Эр анԣаниду неԣне экспедиция омоллонскай юкагирилдула овувкил. Бикитту Омоллон Билибинскай районду клубва мэнԣиви турэнмэр садяктулин овчал. Юкагир культуран, эвир бакалдын одяԣан. Нуԣандутын турэрукилвэр тадук таԣивурвэр уԣчэл.
Чукотскай автономнай окрукту Анадырьду 21 мирэ бегаду официальнай юкагир турэн анԣани нивувдятын, тала сагдылдук Макар Курилов ԣэнэдеԣэн.
Анадырь , тар юкагирԣи турэн, ноноптыдук таду юкагирил бидерэ.Элэкэсиптыл казакил эмэчэл бихитын, тар гэрбичэл бирадук.
2020 анԣаниду таԣунду(переписьту) юкагирва Чукоткаду 152 бэел, 2010 анԣпниду 198 бэел бичэл.
Ирина Курилова
Эвэдыт дукча Маргарита Кириллова
Фото: Музейный Центр «Наследие Чукотки»
Читайте также:
Фольклорно-лингвистическая экспедиция к тундренным юкагирам
Анна Васильевна Курилова и её песни: взгляд в прошлое юкагирского народа
Юкагиры о космосе и небесных светилах
