Оронни уллэн Ямалду
ИЛКЭН. Оронни уллэн столицалду аявувкил. Салэн Ямало-Ненецкай автономнай округту тадук Коми Республикаду он орорво дявучан «Московскай газетаду» улгучэмэтчэл.
Ямало-Ненецкай автономнай окрукту орорво дявучан со ая, тыкэ политолог агенстволи политическаил, тадук экономическаил коммуникацияли ЯНАО Сергей Зубаков. Нуԣан гунча, эр бугадув элэкэсиптыва местова дюдыл орордит гавкил . Анԣанитыкин Ямалду кэтэтэкэкур оронни уллэвэн одяра, тадук таткиттулэвэр, куԣакадыл садтулавэр, хуԣтул бугалавэр униевкил. Нонон санкциял энэ одалан Германияла, Финляндияла униеԣкитын бичэл. Эткэн Китай, Якутия Арктика оронни наннаван, тадук иелвэ гавкил, тар иелдук бэгэлвэр овкил.
Ямалду ненцал, тадук селькупил орорво дявучадявкил. Нуԣардутын региональнай департамент агропромышленнай комплекс бэлэчэвки. Геванԣан оронни уллэн ургэлчэ. Эткэн бохоктолво, меварва, силуктава мэртын униевкил. Коми Республикаду нян орорво дявучадявкил, политолог Сергей Понаморев улгучэмэтчэ орон уллэн Москвала, Санкт-Петербурдтула униедерэ. Мэндувэр ухаканмэ-кэ эмэнмувкил.
Комиду уллэ 300-400 солковай умун кг, Москваду 1000-5000 солковай умун кг униевкил. Нонон со кэтэвэ гаԣкитын бичэтын. Ухтаду, Интаду, Воркутаду оронни уллэвэн нян сот аявувкил. Нуԣартын этэечимнилдук гавкил. Гил уллэлтын, орон уллэдук тамура бидян.
Читайте также:
Плановые показатели не выполнены. Но не все так плохо
