Оймяконскай районма Арктическай дуннэлэ Россияла умунупкэтчэдэ нэкэдерэ

Тыкэ тэгэлни депутат Ил Тумэн Елена Голомарева одяри бэгиннун Ассоциациян долборгида хавамни Алексейду Минкинду гунмэтчэ. Хавалдяриду бакалдылдынду гиравун бегаду Оймяконду, ԣэнэвдериду VI марафонду «Северды иԣин» упкат бэел таду бидерил, экспертал, представителил эԣэсидук эр дуннэвэ Арктическай статусва овкандатын.

Эдук омактал федеральнаил льготал, субсидиял, инвестициял, туризм эмэдятын, омакта инфраструктура омакта одян, тыкэ Голоморева гунчэдерэн. Эду-дэ Оймякон дуннэԣмэр, мэнԣилви культураван одедетын.

Тар ая инициатива ԣэнэдэн, федеральнай орган эԣэсинун олдымэтчэми надо, тадук ассоциация долборгида хавамни, бэлэчимчэ. Вячеслав Шадрин денча хуԣтулвэ дуннэлвэ Магаданскай областьва, Ханты-Мансийскай автономнай окруква нуԣарватын АЗРФ умунупкэтчэрэ гэлэдерэ, тыкэ-ты Оймякон нян умунупкэпкэнчэлты.

Эткэн арктическай зоналду дян илан районил Республикаду, эр Абыйскай, Булунскай, Верхнеколымскай, Верхочнскай, Жиганскай, Момскай, Нижнеколымскай, Оленекскай, Среднеколымскай, Усть-Янскай, Эвено-Бытантайскай.