Катынкалкан мɵлэ (В валенках и в воду)

Смешные и невероятные рассказы Анатолия Степанова-Ламутского

(Весной начинается утиная охота. Сергей с Гришей тоже сидели у озера в засадке. Но за ночь добыли только двух куликов. Вдруг прилетели две пары уток. Грохот выстрелов было слышно далеко. Четыре тушки уток лежали в воде. Люди обрадовались и побежали к воде. Сергей до этого сидел в валенках. Он первый влез в воду, чтобы достать уток. Гриша кричит ему, что тот полез в воду в валенках. Сергей, разбрызгивая воду, выбегает и тут замечает, что он обут в резиновые сапоги. Зато он весь промок).

Нэлкэни. Бэил окатталдули, тɵӈэрэлдули некичэрбу буюстэй хɵррэ. Долбу чуптурэ ɵмэн местала, сэсэдкэлэ тэгэтникэн, некичэм алатта.

Сергей Гришанюн дёис долбу ач яла-да мɵв кɵетникэн тэгэттэ. Мɵлэ-кэ манчикал-такан кэвуӈчир.

Дюлэг долбу дёр чɵкчэӈэв пэктуруритэн, тадук манудин.

— Нуӈи-да некичэн эсни дор, хилусан.

— Иӈэ, дёис долбанив иӈэмникэн тачиннюн тэгэтту.

— Хи мэргэлкэн бими катынкав тэтучинни. Бɵдэлис эсни иӈэмэллэ.

— Иӈэ, асиӈу тэтукэнин.

— Ай асиӈалкан бисэнди. Минӈи-ка эчи тачин дёмкатта. Кэнчэв бɵми-ткан айрин.

— Энтукун… Некичэр…

Сэсэдкэлэ тывун одни. Дыгэн ясалал кɵечелрэ.

— Тар, – Гриша хумкэснэн. – Эрэлдэр.

— Эди хоӈнар.

Дыгэн некичэр эрэлдэриди манчыкал долитан дор.

— Энтукун имкагар… Хи ангидав, би дыгингидэв… Имканни?.. Пэктурэнэп!!!

Дёр пэктурэвун игэн горла илрэн.

Няӈалран.

Мɵлэ-кэ дыгэн некичэр эмэпчэл.

Бэил ɵрэлдэриди сэсэткэдук нёмэлчэснэ.

Сергей он бисин-дэ тачин мɵлэ, мачакалбу гадай, имэлчэснэн.

— Бэе, хи катынкалкан мɵлэ инди, – Гриша ноӈантакин иркаснан.

— Ой, – Сергей таракам-тат мɵдук нёмэлчиснэн. Хэтэкэникэн мɵв хэчэпкэнни, бэйди тадук улаптан.

Хулила-ткан бɵдэлий кɵеттэкэн ями-ка резина унталкан.

— О, ок хи унтав тэттис?

— Сэсэткэдук нёдникэн.

— Теми ями мɵли туттис?

— Хи-ка иркарис, катылкан мɵлэ инди, гɵникэн.

— Эй. Тек хи эйдун улапча бисэнди. Олгитнагар.

— Тар бими катынкал илэӈ бис. Атикан этэн нэир.