Һигиткив мокиҥадук гасчирап

Монтэлсэ, болани-да   тугэнив чөптэрэ гиаки дьэптигэвур тадук-һөнтэ дьоданалгавур маайами ай һээ.

Ойчири унма биаҕан дьөөрмиар инэҥидун Иҥэнь буг адыкун таҥулкасал ҥунмирэл ҥэнэҥэлтэн городтук далбула биси һигитки һөлнэритэн, дэрэмкэтнэми. Ҥэнэл асал ҥунмирэҥур томалбан ооритан тала, мокиҥа ааниралбан нанрав иинмэйду, нодыкачиҥкаду аилбу умивритан. Тадук һөнтэн илрэвур бэгдэчиҥкэв ораталбу, ньамалралбу,тэвтэлбу-дэ чакритан. Һааҕдыҥатан Ньока төөрэҥнэн һааври ҥэн асиҥан Аксиния Ивановна Ефимова ноҥардутан, гиркэ биникэн, һөлбуттин. Дьулгирэптукун, таррочин эҥэйэ һигив бакридьи, асалтаки укчэннин, ичукэттин-дэ оон аймакань элэкэнь мокиҥадук таррочин дьооданалбу ганьай дьугулин. Ҥэн асал һо аич дэрэмкэттитэн, эҥигэр чакритан ноод мокаҥадук, мэнэтэкэлньумур нанрав иинду иав һааридьур иасуматитан.Һоо аич һөллөтитэн, чарудилритан-да, нулунач һивраникасал. Тар далси чаич Софья Захарова, мээн  самоварлаи һуйуттидьи, төйрин.

Тарит ньан КМНСэл ҥэнэлтэн Союзан дьулэски оон гургэвчиннэвэн укчэнмэтитэн. Тарбач  ньулэндэв оон гиакич бадалтатнмайу мокиҥа материалдьин мастер-классалду ичукэндэвур гөөнитэн. Эррочин адыкун таҥулкасал ҥунмирэлни ҥэн асални Союзатан Ньока төөрэҥнэн тэгуптин эрэк анҥани эври билэнни биаҕтун.

Анастасия Куличкина, Ньока төөрэҥнэн тэгупчэ адыкун таҥулкасал ҥунмирэл ҥэнэҥэлтэн Союзан ҥуунэмэчтмҥэн

Тулматтан эвэдилэ Зоя Степанова