В.М. Кладкин гэрбэдьин государственнай премияв Алдан районни нулгэвэчидди оралчимҥалдун дьавукан

Иҥэнь бугла дьуу орман һойалбувкандули, тарав иргэттэвур аич һаарилду 2023 анҥаниду ай гургэливур В.М.Кладкин гэрбэдьин премияв гаритан нулгэвэчидди оралчимҥпл Сидоровал Олег Владимирович,Любовь Игоревна ньимэрэтэн.Эрэл ньимэрэл нулгэвэчидди родовой община оралчимҥални.Эррөчин премия бидэн тэгурин Ньока төөрэҥэн ҥунэмэтти бэгэнни Айсен Сергеевич Николаев.Эррөчин В.М.Кладкин гэрбэдин Ньока төөрэҥэн премиян орам иргэтти бэилбу төрутти тэгуптин 2024 анҥаниду Социалистическай Гургэ Геройан В.М.Кладкин гэрбэвэн эрэгэр дьоҥчибдан.В.М.Кладкин орам иргэчинду республикала һойав гургэв очаван төөҥкэми.Эррочин премияч илкэмчэ бэйду „Лауреат Государственной премии Республики Саха(Якутия)имени В.М.Кладкина в области оленеводства“гэрбэв һоруватта,диплому,тиҥэнди һоручиҥкав илкэм,таманач преимияв-да дьавукаватта.

Любовь Игоревна, Олег Владимирович титэрэптук бисил оралчимҥал гургэлдукутэн,тарал өөсиҥэлбур бинивэтэн һиракамҥал.Ноҥартан общиналавур өмэн тысячадук һулэк оралкасал.Тарал долатан тиитэрэп удьоор орал бис.
Амаргаг анҥанилдула орарбур годами һойалбувкан,теми производстводу ичукэнитэн өгэски һөрэддэн.
Ньимэрэл илан һутэлкэсэл. Дьөөридьур общественникал бими һойач гургэлбу ооватта.Республика университеталдулан татадди студелду лексиялбу таҥҥотта,тарак—тас төлдэлин бэйдьур орам ичин иргэттивур дьугулин мээнур бинидукур илулбу укчэннөттэ.

Тулматтан З.Степанова.