Россия эвэнкилни чакабдьир регион ээлгэлин фестивалла

ИЛКЭН. Ньөчэ качунин биаҕтун Алдан районни Алдан городлан Регион ээлгэлин эвэнкиды фестиваль „Сэвэки“ бидьин.

Эррөчин фестиваль бидьин эвэнкиды общиналбу республика наслегалдулан, Россия региолдулан-да эвэнки ҥунмирэн этонкультураван, төөрэмэн-дэ иимкэндэвур .Эрэк дьугулин мэдукэнни фестивальу оори АНО „Прогресс“.

Проект доолин бидьир горимили иэсчимэчэкэл: литературали, эвэнкиды оилдули, эвэнкил культуравуттан, бинивутэн укчэннил видеол. Эрэк иэсчимэчэкэлдули ньэкчиҥэвур эйэттил аймакань мэдукэм бакчир ссылкадук.

Төөрэн „Сэвэки“ эвэнки төөрэндукун тулматми Төөр һунҥин, һанинни бидьин.

Тулматтан Зоя Степанова