Ньока төөрэҥэн правительствон һойа һурэлкэн ньимэрэлду анҥамтач төручиҥкэв илун

ИЛКЭН. Ньока төөрэҥэн правительствон киҥкурун ичин тарав төөручинмэйу ньэкэннэвур.Тарбачан төручин бидьин тэгэтти дьуувур коммунальнайбан тамнидутан,анҥанила өмнэкэн тамам бөөдьир һойа һурэлкэн ньимэрэлдук студелду,колледжалдула,техникумалдула таманду һупкучэддилду.

Һойа һурэлкэсэл ньимэрэл 30%-кан компенсацияв гадьир коммунальнаиҥур тамандур,тадук һөнтэн студелду анҥанила өмнэкэн 50 000 тамам бөөдьир.Эррөчин бэлэм гадавур электорннай заявлениев Госулугав чилдас бөөннэтэн, тэгэтти төөрэҥур МФЦ-лэн-вул һөрридьур дуканнатан.

Эчин мэдукэнни Улусмедиа
ТулматтанЗоя Степанова