Һойа һүрэлкэсэл Соловьёпал ньимэрэҥэтэн бутун Россия ойлин бичэ „Анҥани ньимэрэҥэн“ иэсчимэчэкту эттэн

Мома улусан Улахан-Чистай национальнай билэктукун Василий, Елена Соловьёпал һойа һурэлкэнсэл ньимэрэҥэтэн „Титэрэп томалби һөлбучэдди ньимэр“ гэрбэ номинацияду эттэн. Регион доолин этапту-дэмэр „Нулгэвэчидди ньимэр“ номинацияду эттитэн.

Соловьепал ньимэрэҥнэтэн тунҥан һурэл иргэчивэддэ: Уруйдаана, Владимир, Леонид, Глафира, Иван-да гэрбэл. Эрэк ньимэр дьулэптукун оралчимҥал бинилэ эрэгэр активнаил. 2013 анҥаниду нулгэвэчэдди родовой общинав „Эрикит“ гэрбэлкэм ааҥаритан.(1300 оралкасал), билэклэвур, райоҥнавур, республикала-да ообтил гургэлду эрэгэр ньэкрил, бутун Россия-да ойлин бисилду гургэлду эрэгэр куҥалду, һөнтэлду-дэ төөдичэпти акциялду спонсоралдьи бис.

Соловьепалбу Москватки ээриритэн ойчири билээн 16-дукун 19-дулэн истала биннэду торжественнай эскэнтэки. Тарак бидьин Государственнай Кремлёвскай дворецту. Тиинил организациял милтэрэ тамдьир тэгэттивутэн, илэ-тала бивэтти мероприятелбутан-да.

Илкэндьип 5 номинациялдули иэсчимэчэклэ („һойа һурэлкэсэл ньимэрэл“, „Нөсэҕчэн ньимэрэл“,„Дөөмҥэ ньимэрэлни“, „Мэҥэни ньимэрэл“, „Тиитэрэп томалби һөлбучэдди ньимэр“) гэрбэлду чэлэн 388 ньимэрэл ичукэнитэн-чэлэдьур региоҥнавур этчэл 88 Россия субьекалдукун. Таралдук 88 ньимээрэл Бутун Россия доолин иэсчимэчэктун „Анҥани ньимэрэҥэн“ гэрбэду эттэ.

Тулматтан Зоя Степанова