Ньока төөрэҥнэн Иҥэнь бугтаки дьугучэдьээк 66,9% дьалабгин

Республика бэиҥэлбэн дисучэмкин, тарал дуламач биддивутэн очарури министрэн Дмитрий Лепчиков Ньока төөрэҥэн ҥуунэмэтти бэгэнтэкин Айсен Николаевтаки мэдукэнни иҥэньгидэ райолтаки гиаки дьоданалбу дьугуддитэн ичин ҥэнэддивэн, дурив-дэ дээпки региондула иав ньэкэвэддивэн.

Тачин тикэрэпту дьугучэл Иҥэньгидэ бугтаки дугучиннэвур 66.9 процеман.
Эрэв укчэннэн бэгэн, правительство-да Ньока төөрэҥнэн пресс-службан.

„Гиаванапньун тэрэмкэми,мут дьулиһукэн ҥэнэддэп. Бэкэчэн республика иҥэнь буган районалтакитан
356 697,5 (илан ньама тунҥан миар ньүҥэн тысяча уйунмиар надан бумҥан тунҥан миаклин) тонна дьоданалбу дьгуннэтнэн. Һодмарач аавдачибдьин Арктика окаталдулин эйэмэчэку, эли суднал һөллөтитэн амараһукан биннэн,“- унувканни Дмитрий Лепчиков.

Республика бэгэнни ньуннэн, гидрологал иҥэнгидэ окаталдула кэньили һипкачим бөдэҥмэтэн көйэтникэн, киҥкич авдаттатан республика арктическай райолтакитан һинмаһукан дьоданалбу бэкэтьбэн дьугучимэлчидэтэн.
Тачин-ту министр мэтудни бакалтамачакту Айсен Николаевтаки техногеннай ичумэн, һигилдула дурил-дэ дугулитэн.

„Ҥээлэм бисни тиик-тэ Верхоянск, Вилюй, Өгэв Вилюй, Горнай, Кобяй, Ленскэй, Сунтар, Олекма райолдула. Дури дурэддин һо кочаали, тэгэлэ төөрэлдулэ бис, тартаки төөру улли ургэ техника истай туркуттиткин. Эрөчинду эҥий бэкэтьбэн нээникэн, киҥкич гурэвчими ай. Билэкэлбу, экономика объекалбан айдавур Россия МЧС-эн, „Полярные авиалинии“ авиациябан, зондировщик-самолеталбу гургэвчивкэнэ.“ — укчэннэн Дмитрий Лепчиков.

„Эливун мулрукадьит бидьин-бэил бинилэтэн,абгарач-та биддэтэн ҥээлэм эдэн һоитта, экономика
объекалбан бэриривур көчукэлтэдэвур,“ — илкэнни Айсен Николаев.

Андрей Сорокина фотолни, ЯСИА
Тулматтан Зоя Степанова