Аллаиха улуслан торгово-логистическай центру оодда

Аллаиха улусан Чокурдах билэклэн Анҥамта торгово-логистическай центру ооривур нонаплар.Эррөчим оодатан„АТЛК“ акционернай общество гөөнчэ.Укчэннэн эрэв„Путь развития“(Дьулэски ҥэнэдьэк)гэрбэлкэн газета.

АО„АТЛК“ пресс-службан гөөнидьин ТЛЦ-в Чокурдахла ообаддин эгдьэн дээмҥэ программа һаанидьин бидьин,РФ Правительствон 2021 анҥани эври билэнни биаҕтун тэгучэдьин.Эрэк ообаддин доолин промышленнай,технологическай-да инфраструктура дьулэски ҥэндьин.Тарак бэлдьин дьулэптукун элэ буйусникэн,орам иргэтникэн,олраматникан ииндьиддилду ҥунмирэлду.Проект бэлдьин  һаарачиҥкав, нонап дьэбгэлдэлбу ньөөвривэтэн ,нэкчиривутэн,элэ бэйлэвур очавур продукцияҥур униндэтэн-дэ.

ТЛЦ-эв оочиҥкавур иэлтэнчэ неделяду нонапларитан,тарав 2025 анҥани диги кварталдун мудакчиҥатан.Чэлэн 530,80 квадратнай метрэлкэн бидьин эрэк ТЛЦ дьуун.Элэ гиакил уньиҥкэл залал, овощилбу нэкчиҥкэл, иҥэньсил камерал,ньамсил складал бидьир.

ООО„УРУС“ 2019 анҥаниду тэгупчэ проект подрядчикчин бидэи мээндулэй гадни.Компания эливун ҥэнуридьин бидьин бэй тэгэттин, этин-дэ тэгэттэ дьуулбу одаи.

Анастасия Шкулёва дуктаҥан, фотон-да
Тулматтан Зоя Степанова