Оралкасал боларап оран оҥкалан ньөөрэ

Райол сельхозуправлениелтан мэдукэнидьитэн 2025 анҥани ньөчэ качунин биаҕан муднидун дьуу орман дилдьин таҥми хозяйствал бэкэтьлэтэн чэлэн 181,2 тысяча бисни. Илучатан плантан 103,6 проценач дьалабгин. Эчин укчэннэн Ньока төөрэҥэн Минсельхозан бэгэнни Иннокентий Баланов.

Дьомканакат эрэк анҥани һэйэ биаҕтун аграрнай ведомство илкэндэҥдьин 171,5 тысяча оран бисин. Бэкэчэн оран хозяйстволан 1245 бэил гургэвчир,тар долан 1010 оралчимҥал, 235 чум гургэвчимҥэлни.һонҥачам гадаҥатан 45,9 процент, эрэк гиаванапҥивчин бидьин. Эгдьэн орам — 84,8 процент бивкэн.

Тик -дэмэр орам иргэттил боларап оҥкаҥнавур иирэ. Ветеринарнай службал Оленёк райондулан орал дилатан һөөчэлкэникэн бутэннивэтэн илкэнэ. Тали карантим ооритан,
һипкачадда. Чэлэн 115 ҥээлукив Алдан, Булуу, Усть-Яна,  һэргэҕ Кулума, Нерюнгри, Оленёк, Эвэн-Бытантай улусалдулан буйусритэн. Анабар райондукун селхозуправлениен укчэннэн саркапоз (чесотка) бутэнэку дээпки Дорожнай картав оритан.

Илан стадалдула чесоткав, сибирьскай язвав бэҕдэтитэн. Эрэк отчёт доолин 37,7тысяча һонҥачам гаритан, 2023 анҥаниду 34,6 тысяча бисин. Тиик аймакань көөрбэ эҥтириккин итаҕчими ай.һэргэҕ Кулумала укал таррочим гургэв ньэктэвур итаҕчир. Хозяйстол ҥуунэмэчимҥэлтэн онатан диспетчерэл гургэтэн ай бидэн, бригадиралдук гасчиннатан орам оҥкучиҥка маршруттукур эдэтэн бугаски ҥэннэ.2024 анҥаниду Минсельхозньун муниципалитетал элгэлитэн дьуу орман иргэчим төрутти субвециялдули укчэнмэттэҥэтэнчэлэлин ҥалур тинимэтчэ биннэтэн. Тарак чээлэн тамматан ньөчэ качунин биаҕлан истала райол администрациялтан тиинитэн.

Дукран Валентин Хоту
Фотолни Иннокентий Балановҥи
Тулматтан Зоя Степанова