„Вадун лачил. Юкагирал оҕаҥатан“Петербург бэиҥэлдун ичукэнэк.
Орат качунин биаҕан 30 инэҥидун Арктика Антарктика-да Россия государственнай дьооҥчидьак дьуудун Санкт-Петербург городтту бисин „Вадун лачил. Юкагирал тоҕаҥатан.“
гэрбэлкэн персональнай ичукэнэку ааҥадьак юкагирды оньамҥа һэргэҕ Кулума райондукун Екатерина Суржаниноваҥи.
Мэнҥий гургэлби доолин ноҥан муту дьулэптукун элэ ииндьидил Иҥэнь буҕ адыкун таҥулкан ҥунмирэлни бининьунтэн,культураньунтан һаамулкувканни. Тачин Иҥэньгидэ райол живописчинтан гургэвчилдэҥэн горолча, элэ ииндьддил бэил портреталбутан,мокиҥав-да оньаникан, иҥэнь буҕ ноодылбан,колориталбан ичукэтникэн.
Открытие выставки началось с юкагирской песни «Я хочу тебе спеть» на слова юкагирского мелодиста Ильи Курилова в исполнении Лены Тоенто.
представитель РО АКМНСС и ДВ РФ в Санкт-Петербурге М.Х. Белянская
Ичукэнэк ааҥаптин юкагир икээдьин „Би Һинду икэмсэм“ юкагирды оҕымҥа Илья Курилов төөрэндун ЛенаТоронто икээрин.
Екатерина Суржаниновав һокамкатитан: Арктика,Антарктика-да музейан директорбан нонапач гиаври АннаХороших, Ньока төөрэҥэн Президенни доолин Поспредбан гиаври Евгенний Петров, АКМНСС РФ-ян ДВ вице-президенни, КМНС-эл төөрэнтэн, традиционнайур һааритан директоран Нина Вейцалова, РО ньан АКМНСС ДВ РФ Санкт-Петербургла председателин Марина Белянская, Герцен гэрбэдьин РГПУ Иҥэнь буг ҥунмирэлни Институтатан декоративно-прикладной искусствотан-да, художественно промыселалдулин кабинетан директоран Любовь Попова, Санкт-Петербург оньамҥални заведующаин Анна Афанасьевна Осипова.
Ичукэнэк ааҥаптидун Екатерина мэн таррочин гургэи тэгудэҥи ,оньачалай типкэндэҥи буйусэмҥэл, ҥэн ҥаалалкасал асал дьугулитэн,гургэи иҥэньси доолин оон оорий-да укчэннин.
Эрэк ичукэнэк Санкт-Петербургла тэгэттилду, һөлнэдьил-ду-дэ ааҥаччин 2024 анҥани ойчири унма биаҕан 22 инэҥилэн истала.
Иҥэнь Бугу айаврилбу бэкэтькэмутэн ээрирэп ичукэнэктэки.
Соб.инфо.
Тулматтан Зоя Степанова
