„Креативная Арктика“ проеку Арктика советан иаруччин

АГИКИ ньан Арктикав дьулэски ҥэнури, Иҥэнь буг ҥунмирэлни бинивэтэн очарури Министерствоньунни өмэтту ооддивур „Креативная Арктика“ проеку Арктическай советту иаручукандьир.Эрэк дьугулин укчэннэн ТАСС Восточнай экономикали форумдун Михаил Погодаев, министру гиаври ҥунэмэтти.

„Нонап апробацияв проек эрэв анҥану „Креативная Арктика“ АГИКИ дьугарап нонап һупкучэктун һөррин, „Приоритет-2030“ стратегическай дьулин биси программан доолин. Дьугарап һупкучин укал Красноярск бугла, Дудинкала, Ньока төөрэҥэн Дулаҕ Кулума городлан бисин. Дьулэски ЧАО Анадырь городлан бидьин. Далбула иивдьип проеку Арктическай советту итэтэн,тадук ҥунмирэл ээлгэлитэн бисилэ ньөөвдьир,“ — укчэннэн Погодаев.

Һупкучин программан ҥэнубдьин креативнай ньэкэнмэилду таткачинтаки, экономика,креативнай индустрия адьитмакан биси экономика секторолдулан бисилдулэ, тарбач ньан таткаччир өмэтту команда доолан гургэвчинду, мэнэтэкэлньумур укчэнмэчинду ньан ньэкэннэвур оочидьактаки, уньинтэки, сторителлингтаки һупкуччир, тадук һөнтэн һойа консультациял, дьулгидэ гургэгэвур һинмантаки таткаччир.

„Мут һипкаттап, адьитмакан мандутникан, һупкучин прогамматкин көйэттилбу адыкун таҥулкасал ҥунмирэл нөсэҕчэҥэртэн доодукун бисилбу,дьулэски предпринимателал гургэткитэн тааҥчиврилбу.
Ноҥартан һаамса социальнай сетли гургэвчиптив,ичин видеов типкэчиҥкэв,тарав монтироватьтавур-да,он ай командаҥгавур чаканмайу ,униҥкэв-дэ айҥуридавур.
Эрэв анҥану эррөчин программа100%бэилбу чакчин,часки тарак АЗРФ региолдулан 2030 анҥанила, истала 2220-дулэ исудэн алаттап,»- укчэннэн АГИКИ ректоран
Саргылаана Игнатьева.

ВЭФ ҥэндьин ойчири унма 3-6 инэҥилдун Владивостокгородттун Дальневосточнай федеральнай унтверситетан площадкан кампустун. 2024 анҥаниду — ВЭФ эливун укчэнмэчэкчин бидьин — Горими Һиэпту-2030.Эҥивур чакчип,элэчэндьур“.

ВЭФ-2024 гургэн дэлкэптэн надан темал блоклитан: „ Ҥунмирэл ээлгэлитэн гургэлдули анҥамтал игтиҥал“, „Ҥидук-тэ эти тааҥчивра технологиялни“, „Финансовай система ээрипчилни“,  „Горми Һиэпту Россияҥан“, „Бэил,һупкучин, буги айаван,“ „һотарандули ҥэннил дьооданал, логистика-да: анҥамтал һотарал“, „Мастер планан: архитектурадук экономикатки“

Архивтук фотол
Тулматтан Зоя Степанова