ВЭФ-2024:Ньока Төрэҥэн Хабаровскай бугньун өмэтту гургэвчинду анҥамтач ҥалур тинимэттэ

Унири-экономикали наука-техническайли, культурали, социальнай бинили өмэтту дараан гургэвчидэвур Ньока төөрэҥэн ньан Хабаровскай буг ээлгэливур ҥалур тинимэттэ. Эрэк бисин ойчири унма биаҕан 5 инэҥидун ВЭФ-2024–ду.

Докумендула ҥалур тиниритэн Ньока төөрэҥэн бэгэн ҥунэмэчимҥэн Айсен Николаев ньан бээкэлэч Хабаровскай буг
губернаторан гургээвэн ньэкэдди Дмитрий Демшин.

Документ көйэччин унири-экономикали,инвестицияли-да региол предприятиелни мээнэтэкэлньумур уйулдутитэн дьулэски ҥэннидун, инновационнай инфраструктурали өмэтту гургэвчидэвур,көчукэн, дулаҕ-да бизнесэл предпринимательствотан,промышленность,транспортли комплексан тадук-та Һөнтэл отраслилбу дьулэски ҥэнукэдэвур.

„Мут регионалти ээлгэлитэн дьулэптукун аймулдань бини. Эрэв инэҥиду өмэтту гургэвчирэп мөөҥкэ проекалдули,бугат промышленнай суверинитетбан очарудавур.Тарбач өмэтту иами-да ньэкэннэт -эрэк гургэвур чакридьур дьулэски ҥэнуннэт,чэлэн иав ньэкэннэвур инициативавур бинилэ иивдэвур, Горими Һиэптуҥдут, бугдут-да ай бидэн“, — гөнни АйсенНиколаев.

Дуллэ өмэтту оодавур гөөндэҥэт 2011 анҥаниду ообтин. Анҥамта докумендули ҥаалур типимэтитэн Хабаровскай буг гөөнчэдьин, тарак анҥамталтапчав онмаил (меропииятел) пламутан мулрукалньун, һовнориньумур уйулдуникэн.

„Экономикали гургэлит, аймулдаддиливур мут регионалти эрэгэр ай биситэн.Эчин бидэн һойач гургэвчирэп. Муту уйулдучукэн эгдьэн экономикали проекал,Тихоокеанскай һэл һотарал.Төөр эҥэйэлни Ньока төөрэҥнэн бис,портал, ээлгэли базал Хабаровскай бугла бис. Мут-дэмэр дьулэски ҥэнудьип технологияли промышленностьли секторалбу. Мэнэтэкэлдукувур татаннат һойа, иач, ичин төдитмэчэннэт-дэ,“ — гөөнин Дмитрий Демшин.

Андрей Сорокин фотон, ЯСИА
ТулматтанЗоя Степанова