Телеграму татар төөрэндулэн тулматта-тарак гургэн һойадмарбан өмэн блогер оодни

Интерфейса мессенжербан тулматчатан волонтёрал чакубдаҥатан гургэтэн мудандьин оодни. һойадмарбан Ильгиз Зигангиров гургэвчирин, дьуллэ софту,столли эвилбу тулмачча бэй. Таррочин гургэтэн балданҥа төөрэмур цифровой нэлбээндулэн иимкэндэтэн, һуулбимкэндэтэн-дэ ай биннэвэн „Миллиард татар“ проеку оочал мулгатта. Тачин ньэктэҥэтэн „укчэнмэчэку айҥуридьин,унубган-да оовкандьин“ татардыч төөрэрилду. Таррочин гургэньунтэн элэ һаамулками ай. Дьулэски инициативнай группа иимкаттан татарды төөрэлкэн контент Телеграмна дьулэски ҥэндэн.

Тарбачам ньан укчэнмэттилэвур илкэнэ ИТ терминэлбу„тулмачинни ургэ бисивэн.“
Тарак дьулдэлин һааваснин татар төөрэмэн „Яндекс“ нейросетлин унубган бидэн һупкуччиҥэвур.

Сервис тулмачиндула 20- дук һулэку дьуллэ эчэлбу тала нээптэ Россия ҥунмирэлни төөрэрбутэн һаавдавур(нонапач нээдэҥэтэн бисин осетин төөрэнни).

Телеграм энтузиастални тулматитан ньан бурят төөрэмэн,тали анҥанив чөптэрэ гургэвчирин языковедал группатан.

Мээнҥий төөрэми Телегамна, таррочим оомси бэйтэн, ирэк-тэ тулмачин платформан бэлнэдьин ооннан.

Дукран Андрей Исаков
Тулматтан Зоя Степанова