Хатастырла эвэнкиды төөрэм детсад куҥалдун һупкуттив эвим оора
Хатастыр билэклэн көчукэн куҥакарбу иргэттивур”Сардана “гэрбэ дьуулан эвэнки төөрэмэн һупкуттидутэн айу авторскай эвим оора.Эрэк Алдан райондулан гургэвчири “ Сардана”куҥав иргэтти дьуудун эвэнкиды төөрэм куҥалбу һаалукандавур эрэгэр мандутта.Ҥуунэмэчимҥэтэн Августина Павлова ,педагогньун Мария Прокофьевнаньун куҥакарду илэ-дэ аччав айу эвим оора,эвэнкил бинитэн иррөчин бисивэн,эрэлутти бугатан -да ибдьиривэн тэлэҥрилбу.Эррөчин эвил һөнтэ-дэ детсадал иргэчимҥэлни аавдачимутан таанни,тиэми чэлэн республика ойлин тарав бэкэччур һаалдатан бэлдэвур мандутта.Тарав долдаридьи НВК”Саха” Генеральнай ҥунэмэчимҥэн,Ил Тумэн депутатан Олег Марков “Айар” издательствотки мэтурин.Издательство, өрэнэникэн,тарав төрдэи гөнни.”Сардана” гургэвчимҥэлни нонап эвинтэн ньөөрин дьуганиду,тик-дэмэр эрэк инэҥилду гиадмар эвимур ньөөвэддэ.
“ Иҥэҥь буг ҥунмирэлни балданҥа төөрэмутэн имкэндэвур, эчин бэил мандутиттан бэкэтьтут ай,тиэми таррочим төрутми ай государство доолин, тачин-ту ньан билэкэлдулэ тэгэттил доолитан-да. Эрэв мут һуулбимкэндьип дьулэски-дэ,өмэтэл ньимэр дьуулан куҥав иргэчиҥкэ дьуулдула бидэттэн эррөчин эвил,Ньока төөрэҥнэт ииндиддилду бэлдэтэн төөрэмур иимкэнду,” — дукран бэйдьи телеграм-каналлаи Олег Марков.
Дукран Ирина Курилова
Тулматтан Зоя Степанова
Фото: Telegram-канала «ОЛЕГ МАРКОВ»
Ссылки по теме:
