Константин Роббек Иҥэнь бугла ииндьиддил адыкун таҥулкасал ҥунмирэл һилгаватан илкэнни

ИЛКЭН. Ньока төөрэҥэн Иҥэнь буглан дьулэптукун ииндьиддил адыкун таҥулкасал ҥунмирэлбу дысуттэи илувча   Константин  Роббек ойчири билэн дьөөрмиар дьөөр инэҥидун бичэ Ньока төөрэҥэн  Государственнай Чакабакан (Ил Тумэн) пленарнай заседаниедун төөрэми гөөнни. Константин Роббек  илкэнни  Ньока төөрэҥэн  ҥунмирэл бинивутэн дисучэнду  нонапла бисивэн.Тар биникэн  федералньай укчэнмэчэк  долин ньэкэбэннэ  һойа.  Тачин-ту  социальнай пенсияв ганду ньунэвчэн бипкэ этивэн бис,буйусэкли,олрамачакли һиилгал бис,адыкун таҥулкасал ҥунмирэл тэгэтти  төөрэҥэтэн аич аэтивэн һаавра.

Тачин ньан аавдатан  ноҥан адыкун таҥулкасал дьулэптукун төөрэҥнэвур ииндьиддил ҥунмирэл  промышленнай компаниелньун өмэн төөрэндулэ этитэн иимсэ, тали ай итум одай элэкэн бисивэн. Ноҥан эррочин илум гөөнни.Томпо райондулан кластеру оори проекутан, Иркутскай бугдукун Ньока төөрэҥэн ньамгидалин һэл һотарам һөрукэндьиддитэн.Тарит  элэ тэгэттил   бэил тарак дьугулин иав-да эстэн һаара,эчэл мэтуврэр.

Һойал ҥулгэвэттил общиналтаки, мээнур бэйдьур койэчэддил органалтаки тадук-та һөнтэлтэки  мэтуритэн һэл һоотарам ҥэнуривур ноҥньунтан тэрэмкэникэн ньэктэтэн.Ньока төөрэҥэн Государственнай  Чакабакан (Ил Тумэн) тэгутни докладу аавдаттавур.

Аудиов долчилда:

Дукран Ирина Курилова, тулматтан Зоя Степанова