„Тиитэрэп Арруу одьамким һөлбучэддил“экспедиция

ИЛКЭН. Эрэк анҥани нэлкэнидун Һэргэҕ Кулума райондулан  “Тиитэрэп Арруу одьамким һөлбучэддил “(аруу-эрэк төөрэн юкагирдыч) гэрбэлкэн  гургэв ооритан.Тали гургэвчиритэн мут газетаҥат”Илкэн” журналиһан Ирина Курилова,юкагирал һаҕдыҥалтан чакапчатан ҥуунэмэчимҥэн,икээмҥэ,оҕымҥа-да Макар Курилов.

Гургэтэн(проект) иимкачиндьин бисин төөрэри – ньан ичуктти материалалбу чактавур Иҥэнь бугла дьулэптукун ииндьиддил ҥунмирэл төөрэндьитэн: чукчадыч, эвэдич ньан юкагирдыч.

Таррочин гургэ-проект ообтан АК “Алроса “ бэлнэдьин.

Макар Семёнович мээнҥий мулгандьи иасуматан тарак проект дьугулин” Мут гургэт научнай эсни бис,муйитти -дэ эсни бис,чакри гургэч гөөми элэкэн, мокиҥа төйчэвэн умивривчин: дэт,һиги,урэкчэр-да тэвтэлбэтэн ,ньөөчэлбэтэн,һинталбатан.Эрэк укал иэлтэс ирчэлбу идаралчалбу һиэрилбу чакча урэчинни бидьин.Иами тачин гөөниву,унудьиснан, типкэндэҥэлбут итми. Тачин би өмэн бэй гөнчэвэн илудакун:

“ Эгдьэн ҥунмир төөрэнни көчукэн ҥунмир төөрэмэн ньимҥэсҥэрэн.Таракам төөрэми һөлбучэдди-дэ бэй,эникэн тарав һаара,ээҥутникэн,төөрэрилэй һөнтэ ҥунмир төөрэмэн һамгаран” Эдук гөөнчэдукун би тачин  тэрэмкэрэм.”

Чактаҥат гургэлти  мут порталлат ньөөдин.Проектли гургэвчичэл мулгатта, тарак чакчтаҥатан гургэл бэлдьир Иҥэнь бугла дьулэптукун ииндьиддил ҥунмирэл  төөрэмур,культуравур-да дьулэски  ииндиҥэл һурэлдут эмээбдэн.

Эвэдилэ тулмачивчаван долчилда:

Дукран Ирина Курилова

Тулматтан Зоя Степанова