Андрюшкино билэклэн комсомол инэҥиҥмэн илкэнэ

ИЛКЭН. Дьулэски дьоҥчидьак дьуудун Андрюшкино билэклэн (Һэргэҕ Кулума районни) ойчири билэн 29-дун Комсомол балдача инэҥидун, бакалдамачак Һисэчинни оодни „Комсомол,Һи мэргэндулэв эрэгэр“ гэрбэлкэн.

Элэ ээривритэн комсомол ветеранални: партия нунэмэтти секретаран Дария Николаевна Курилова, РФ ҥунмирды просвещениен отличникан, педагогическай гургэ ветеранниТатьяна ДаниловнаТретьякова. Мэнньумур комсомолеһал эмуритэн билетаҥалбур, тиҥэндулэтэн-дэмэр комсомольскай илкэнтэн гилдэлрин.Тиикэрэп нөсэҕчэртэки ноҥартан укчэнитэн комсомльцал бинирэпур, һойа айу бугтур эмучэвур гургэвур дьугулин.

Һоч аит икэрин ньокадит төөрэнэч комсомол икэлбэн Марта Яковлева. Дьоҥчидьак дьуун ҥунэмэчимҥэн Анигина Слепцова чакуча бэилбу һокамкаттин һэбдьэкэч,аниралби дьавуканин, куҥалду-далси дьэблэлбу. Нөсэҕчэр куҥал комсомолеһал дьугулитэн һойав һаалритан. Һисэчин муднидун ноҥартан эгдьэн тэкэмур исуритан ветераналтаки, һанҥавур һагарсич таптаникан.

Эникэн төөрэр илатникан, дьоонитан тиик ноҥарньунтан аччалбу, тар биникэн эрэгэр дьооҥчиврилбу,миа вандулар һөлбучиддивур бэилбу.

Дукран общ.корреспондент Андрюшкинадук.

Тулматтан Зоя Степанова.