Ньока төөрэҥнэн Оленёк райондулан ҥээлэм одни

ИЛКЭН. Ньока төөрэҥэн Оленёк райондулан оок-та тачин эчэ биһэ ҥээлэм одни.Таймыргич эмчэ буйун һэһэнни дьуу оралбан һөөтусэндэвур ньэкрэ. МУП”Оленёкский”нонап,гиа,или ньан тунҥи стадалбан һөөтуһэмэллэ. Тарбачандук айдавур, ойчири билэн дьөөрмиар уйун инэҥидун”Алроса” авиакомпанийа бэлнэдьин, авиач дэгэнникэн, улдэритэн стадалбу, оралчимҥалбу, дьоданалгатан бөөридьур,оралбу этунэвкэнитэн.

Дьуу оралбан буйундук айдавур,отпускалавур дэрэмкэчиддилдук оралчимҥалдук,буйусэмҥэлдук оралчидатан спецбригадалбу чакритан. Орам ичэндутэн элэкэнь дьооданалгатан таралду бөөритэн,өгинук ньунчэвутэн гургэвчидэтэн.

Райом ҥунэмэтти бэгэнтэн Лена Иванова элэ ииндиддилбу бэкэчутэн ээририн, ноҥартан, бэгэһэл, гөөндэҥутэн ,эникэн ээҥутэ, оодатан.Иами тачин буйун һэсэнни элэ эмдэҥмэн, эчин унувкан: дэтлэ буйн һэсэнни оҥкан адыкулбучадьин,ҥэнэдди һотармур  бугили һөручэдьир.  Буйун һэсэнндулэн оодаҥман, экологияв-вул,буйун һэсмэн-вул муйиттэтэн мулгуру бөөдни,эррөчин  бинилэт адыкунат  биврэрин.

Тачин эррөчин  режим Оленёк райондулан эникэн  аталапта  биддэн тиикэрлэн.Тала ииндьиддил  бэгэһэл,специалиһал-да таррочин оочаван муйитникэн,дьулэски эдэн бис гургэлбу оодда.

Эвэдилэ тулмачивчаван долчилда:

Дукран Ирина Курилова

Тулматтан Зоя Степанова.