Нация өмэтту бисивэн бипкэрудэй, Правительство субсидияв һаавдьин

ИЛКЭН. Россия Правительствон нация өмэтту бисивэн бипкэрудэй, региолду субсидиявутан өмэн бумҥан гаддьин һаавдай  гөнни.Тарав укчэннэн вице-президентТатьяна Голикова ”Народы России” форум пленарнай чакабактун.

Ноҥан гөөнидьин 2025 анҥаниду бугат ньуҥэнмиар өмэн  региолни гадьир субсидияв. Тарак асун биннэн эсни һаавра. Голикова ньан гөөнни “Реализация государственной национальной политики” гэрбэ программали бөөритэн  эгдьэлбудин  далбула илан анҥанили  илракан. Эрэк субсидиял иимкачир Россия нациялни өмэтту биситэн эҥилбуридун, ҥунмирэлни этнокультуратан дьулэски ҥэннидун  ньан Иҥэнь буг,Сибирь, Горими Һиэпту  дьулэптукун элэ ииндьиддил ҥунмирэлни социальнай-экономическай бинивэтэн дьулэски ҥэнудэй.

Аудиован-да долчилда:

Дукран  Марина Коренева

Тулматтан Зоя Степанова