Һинмач ҥэнни интернет Ньока төөрэҥэн Олекма районни Бяс-Кюель ньан Тяна билэкэлдулэн эмрэн

ИЛКЭН. Өлёкма районни билэкэлдулэн Бяс-Кюелла, Тянала һинмач ҥэнни интернету ииврэ. Эчин иивдэҥэтэн элэ индьиддилду һойа айу эмудьин, гиаки проекалбу оодатан бэлдьин. Тарав илкэнни Ньока төөрэҥэн бэгэнни Айсен Николаев волоконно-оптическай связу(ВОЛОС)иивривур федеральнай форум «Цифровой алмаз» площадкалан ааҥаридутан. Проеку ааҥар республиканьун мэҥэм чоҥкори компание «Нордголд», өмэтту гургэвчиритэн бэлнэдьин. «Нордголд»ҥали тинимэттин республикала инновациелбу дьулэски ҥэнури Фонданьун дьулгидэлэ бичэ форумду. ВОЛОСуиивдэвур гургэв оорин «АрктикТелеком» компания, 170 км-кан оптоволокнов тааникан.14 200км. ҥонамалкан связь линиян 389 Ньока төөрэҥэн билэкэлдулэн исрин, һинмач ҥэнни интеретач укал 98% республикала ииндьиддил ньэкрэ. ВОЛОСу таандавур проект дьулэски-дэ һиракабдьин гөөникэн Ньока төөрэҥэн бэгэнни тэдьэвкэнни.

Дукран Марина Коренева

Тулматтан Зоя Степанова

Фото: ЯСИА