Арктикала тэгэттил бэил, бэгдэчиддидьур, амаски дьуткивур мэринитэн ургэвэн аччалтадавур РФ Минздраван бэлдьин

ИЛКЭН. Санавиация дьугуттчин Россия арктикан региолдулан бисил билэкэлдук бутэнни бэилбу, бэгдэчиддидьур, амаски дьуткивур мэринидутэн. Эррочим мэдукэнни РФ здравоохранениен министрбэн нонапач гиаври Виктор Фисенко.

Ноҥан гөөнидьин дьөөр тысяча дьөөрмиар дигэн анҥани нонаптун арктика регионалдукутан ади-да министрэл Минздравтук гасчиритан эррөчин ургэлбу бутэнни бэил бэгдэчиддидьур амаски дьуткивур мэринидутэн бэлдэтэн.

Бэгдэттивур амардадукун пациенал мэндьур мээнкэн дуткивур мэриндэвур туркуткэрэр, самолётал-дэмэр пациеналбу бэгдэчэктэкиньун һөрувэттэ, амаски эстэн дьугуттэ.

“Минтрансньун өмэтту, коллегалньумур-да тарав укчэнмэттэп, тиикэрэптукун санитарнайды авиация амаски дьугуттил бидьир (реэвакуация бидьин). Тачин региол гасчиритан” — гөнни Фисенко, Горими һепту, Арктика, Антарктика-да Советан чакабактун Совет Федерациялан бичэду.

Ноҥан тачин-ту илкэнин дьөөр тысяча дьөөрмиар дигэн анҥаниду дьөөр тысячадук һулэку санавиация дэгэннин тали чэлэн 3,7 тысяча бэилбу дьугурин бэгдэчэкэлтэки.

Тулматтан Зоя Степанова