“Иҥэньси нам һөөлилэн ииндбиддил бэил дьугулитэн” гэрбэ книга презентациян

Дьөөр тысяча дьөөрмиар дигэн анҥани ойчири биаҕан дөөрмиар надан инэҥидун Национальнай библиотекала дьөөр анҥамта книгал, Ньучи Устьян,иҥэньси нам һөөлилэн ииндьидди регион культурадун, титэрэп бинидун-дэ ааниптил презентациятан бисин. Эррөчим төрритэн Президент культурали инициативан фондан ньан Даура клубан АНОнни.

Презентацияду ичукэнитэн “Ньучи Устьен ньимкарни” чэлэн чакапчаван ньан Ньучи Устьен бакалдутти төөрэрукбэн. Эчин ньөөвдэтэн һидуттин,редактордач-та бисин Игорь Чикачёв.

Ньөөчэл книгал дьугулитэн дээмҥэч укчэннитэн төөрэруку чакчал редакторал — Татьяна Аександровна Бердникова, СВФУ доценни, наука филологияли кандидатан; ньимкарбу-да чакча Оксана Михайловна Сальникова, тачин-ту СВФУ доценни, наука филологияли кандидатан.

Эду төөрэм гөнитэн наука, музей-да гургэвчимҥэлни, СВФУ студелни, дуамҥал,журналистал, “Ньучи Устьен” ОО-дукун.

Презентацияду төөрэм гөнчэлду чэлэдутэн книгал чакапчаватан дьавуканитан. Тадук һөнтэн книгал чакапчатан миаман национальнай библиотекаду бөритэн ньан дьөтэл чакапчав – Ньока төөрэҥэн улусални библиотекалдутан.

Анҥамта книгалньун һаамулкумачилда Национальнай библиотека сайтукун.

Tулматтан Зоя Степанова