Алексей Чекунов: «Горими һептули арктикали-да бичэ гектар» программадь145 тысяча бэил ньэкритэн.
Тиик государство «Арктическай гектар» программалин 9714 бэил ньэкэддэ.2024 анҥани нонаптукун 2000-кли бэил төөрэҥгэвур гаритан. Бэкэчэн бөөдэҥэтэн төөр дээмҥэн анҥани нонаптукун 1427 гекатар оодни. ТАСС гөөнни Минвостоковедение пресс-службан ссылкадукун гадаҥдьи.
Арктика региолдулан 600-дук һулэк бэил мээҥигэвур арендаду төөру гаритан. Тарак бэкэчэн дээмҥэн 166 гектар бидьин. Таралдула төөрэҥнэвур бэил дьуҥгавур илур (73%) ньан дөөмҥэ гургэлин ньэктэвур 10%-нни.
Минвосток дьулэски ҥэннин бэгэнни Алексей Чугунов мэдукэнин «Горими һиэпту ньан арктика гектаран» гэрбэв 145 тысяча бэил гаритан. Эрбэчэн программа 2016 анҥанидук гургэвчин. 2021 анҥанидук тарав һуулбимкэнитнэн РФ Арктикалин, тадук-та һөнтэ иҥэньгидэ төөрэлдули. Эрэк программали бэил төөру ат тамна гаридьур, дьугавур-да оодатан, туризму-да дьулэски ҥэнунэтнэн, мээнҥивур-дэ хозяйствовур ооннатан.
Андо Соктоев дукран, Зоя Степанова тулматтан.
Фотон:Бурятия республикан порталан.
