Һойа һурэлкэн ньимэрэл Захаровал Ньока төөрэҥдукун „Би нулгэвэтти ньимэрэҥу“ гэрбэ

Бутун Россия ойлин бичэ иэсчимэчэкту эттэ. Ньока төөрэҥдукун эррөчин иэсчимэчэкли ньэкритэн һойа һурэлкэсэл ньимэрэл Юлия, Николай Громовал, Елена, Василий Соловьёвал Мома улусан Улахан Чистай билэктукун, Туяра Колесова ньан Алексей Юмшановал ньимэрэтэн Батагай-Алыта билэктук Эвено-Бытантай улустукун, Наталья, Степан Захаровал Кобяй улусан Себян-Кюель билэктукун.

Захаровал этитэн номенацияли „Эвэн ньэкэнмэилбэн, культураван, төөрэмэн нулгэвэтти ньимэр бинилэй дьавачаддин“. Номенацияли „Эвэн дьаваттин культуран һупкучиндулэ“ Томалбу, одьамкилбу һупкучин“ Елена Соловьева, эвэн төөрэнни, литературан-да һупкучимҥэн Мома улустукун лауреат оорин.

Ноҥарбутан чэлэвутэн һокамкаттин Ньока төөрэҥэн бэгэнни Айсен Николаев, эгдьэн тэкэми исурин эвэсэл культуравур дьавачиддидьитан. „Дуус мэргэндукуй һокамкатам нулгэвэчидди ньимэрэҥэлбур һо аит иэсчимэчэкли гургэвчичэдьитэн. Эгдьэн тэкэм исурам бэкэтькэндусэн кульуравур дьавачиддидусан, нулгэвэтти Иҥэнь төөр бэиҥэн бинивэн иимкэндьиддидусэн. Ньока төөрэҥэн һунэч һокнан“ — дукран телеграм-каналлаи Айсен Николаев.

РФ президенни-дэмэр Владимир Путин Правительствотки гөөнни Иҥэнь буг, Сибирь, Горими Һиэпту ҥунмирэлни төөрэмутэн аавдататан, государство эли мээндьи мээнкэн оодан гургэв. Эррочин гургэл ҥунмирэл төөрэмур имкэндэтэн, эдэтэн бэрир ообаннан.

Иэсчимэчэк ҥэннин бэйлэн һөрридьур Москвала ньан горинук-онлайндули иэсчимэчимҥэл бэйдьур площадкадукутан. Эррөчин мероприятие бисин дьулэптукун Россия Иҥэньгидэ буглан ииндьиддил ҥунмирэл төөрэмутэн,культуравутан эдэвур бэрир. Мероприятиев оорин ООО „Национальная родительская ассоциация социальной поддержки семьи и защиты семейных ценностей“ гэрбэлкэн.

UlusMedia
Тулматтан Зоя Степанова