Арктика дьулэски ҥэннин Министерствон Иҥэнь буг куҥалбан төруттий һиракчин
ИЛКЭН. 200-кли һупкуттил куҥал Ньока төөрэҥэн 13 иҥэньгидэ райолдукун Краснодар буган илрэвур бэгдэчиҥкэткин һөллөттэ. Эрэк федеральнай, региональнай «Арктика куҥални» проекал бэлнэдьитэн бисин. Куҥал анҥаниҥматан оочидьак республикала Арктика, нунмирэлни-дэ дьулэски ҥэннитэн министерствон гургэлдукун ключевойдин бисин, тарак мудман ооритан ведомства коллегиян дээмҥэ чакабактун.
«Арктическай зонал дьулэски ҥэндьиҥэтэн программан бисни, эрэк программа гургэвчин, эмни аанҥанив мут качество Анҥаниҥан бидэн мэдукэнэп. Тиэми иррөчин гургэлбу программа доолин ооддит, ньундэҥэлти чэлэн Арктика өмэтэл бэйтэкин исаннан,» — укчэннэн Владимир Черноградскай, Арктика, Ньока төөрэҥэн Иҥэнь буган ҥунмирэлни-дэ дьулэски ҥэннитэн министрэн.
Эмэдди анҥаниду министерство гургэи һиракчин Арктикала ииндьидди куҥалбу төрутти программаван дьулэски ҥэнудьин, Иҥэньгидэ райол инфраструктуравутан айҥуридавур, арктическай төөрҥэлтэн Иҥэнь буг ҥунмирэлни мэргэндьитэн бидэн таралбу киҥкич дьулэски ҥэнудэвур.
Тулматан Зоя Степанова
Фото: Минарктики
